Luksi i Ministres së Drejtësisë, ia ka kushtuar shtetit shqiptarë mijëra euro në vit.
Apo thënë ndryshe mijëra euro në vit u janë grabitur qytetarëve për të siguruar komoditetin dhe luksin e ministres jashtë vendit.
Së fundmi në media janë publikuar shifrat marramendësi të shpenzimeve të Gjonaj, përgjatë vitit 2018-2019.
Ministrja e Drejtësisë Etilda Gjonaj në të shumtën e rasteve ka piketuar hotelet me pesë, që sipas faturave të publikuara tashmë në media, rezultojnë çmime të kripura.
Mirë që ka fjetur në hotele luksi me paratë e shqiptarëve, por ka edhe një detaj. Në ofertat online vlera e fjetjes është shumë me e ulët, se sa faturat e ministres.
Çmimet e faturave nuk përkojnë me çmimet reale që ofrojnë këto hotele.
Në një prej udhëtimeve të saj të punës në Bruksel, nga data 19 deri në 21 qershor të vitit 2018, Gjonaj ka paguar 1320 euro për dy netë ose 660 euro nata në hotelin e quajtur “The Hotel Brussels”.
Por, në fakt në këtë hotel, çmimi për dy netë, është as më pak dhe as më shumë, por, 34 mijë e 20 lekë të reja.
Gjithashtu në Bruksel, Gjonaj është akomoduar për një natë në një hotel me pesë yje i quajtur “Steigenberger Ëiltchers” me kosto 543 euro. Ndërkohë që në këtë hotel, një natë kushton 21 mijë e dyqind lekë të reja nata.
Në datat 4 deri më 6 shkurt të vitit 2019 ministrja ka udhëtuar drejt Londrës ku është akomoduar në një prej hoteleve më të shtrenjta të kryeqytetit britanik. Rezervimi për dy netë i ka kushtuar ministres 1291 paundë ose e përkthyer në euro rezulton se ministrja e Drejtësisë ka shpenzuar 706 euro për një natë. Ndërkaq çmimi për një natë në Ambasciatori Palace Hotel është 20 mijë lekë të reja nata.
Gjithashtu ministrja ka qëndruar për tre netë nga data 4-7 maj të këtij viti në hotelin me pesë yje “Majestic Hotel Spa”. I gjithë rezervimi shkon në shumën 2014 euro, ose 670 euro nata.
Edhe në këtë rast fatura e ministres ndryshon me çmimin që ofron Hoteli në fjalë. Në këtë hotel çmimi për tre netë është 129 mijë të reja. Nëse krahasojmë faturat e ministres me çmimet online, lind një tjetër dyshim, se përse çmimet janë më të shtrenjta se ofertat online.
Diferencat e parave, duken qartë se janë vjedhur.
Ministrja, apo dikush nga stafi që bën qoka e ndan para me agjencitë, apo agjencia e përzgjedhur që abuzon, sepse Ministrja do hotele të shtrenjta dhe luks.
Pa shkuar më thellë në këtë histori se me kë ka qenë e kush e shoqëronte në këto hotele të shtrenjta, duhet të sqarohet fakti se kush i ka vjedhur paratë.
Pyetja që do përgjigje është se në xhepin e kujt kanë përfunduar mijëra eurot e diferencave të faturuara?
“CNA.al”
