Kryeministri Edi Rama deklaroi sot se, nga java e ardhshme maska do të jetë e detyrueshme kudo në Shqipëri
Ai tha se, kjo bëhet për të ndalur një karantinë të dytë që do të ishte ‘si cjapi tek kasapi’ për ekonominë shqiptare.
“Nga java e ardhshme maska do jetë e detyrueshme kudo, përveç shtëpisë dhe restorantit apo barit ku je ulur në tavolinë për të konsumuar atë pjesë të kohës aty. Maska do jetë e detyrueshme në çdo mjedis, në çdo rrugë, hapësirë publike dhe masa ndëshkimore do zbatohet për të gjithë te fatura e dritave, tha Rama.
