Një 20-vjeçar është gjetur i varur në burgun e Shën Kollit. Florjan Kodra ishte dënuar për veprën penale ‘Vrasje e mbetur në tentativë’ dhe ‘Armëmbajtje pa leje’. 20-vjeçari nga Thethi u gjet mëngjesin e djeshëm i vdekur në dushet e burgut të Shënkollit, ndërsa paraprakisht dyshohet se i riu është vetëvarur me çarçaf. Ngjarja e rëndë ndodhi në orët e para të mëngjesit, ndërsa mbeten ende të paqarta arsyet që e shtynë të riun drejt këtij akti të rëndë. I riu ishte burgosur për shkak të një vrasje të mbetur në tentativë në vitin 2016. Ai ka qëlluar me dy plumba një vit më parë shtetasin Nazmi Topuzi, i cili dyshonte se i riu i ngacmonte bashkëshorten. Fillimisht janë përleshur e më pas, Kodra e ka qëlluar me armë.
Florjan Kodra ishte dënuar për veprën penale ‘Vrasje e mbetur në tentativë’ dhe ‘Armëmbajtje pa leje’. Gjykata kishte dënuar Florjan Kodrën me 6 vite e 8 muaj burg, ndërsa i kishin ngelur për të vuajtur dhe 4 vite e gjysmë. Po kryhen të gjitha veprimet hetimore për zbardhjen e plotë të rrethanave të ngjarjes Kodra u arrestua në prill 2016, pasi u akuzua si autori i plagosjes së 49- vjeçarit Nazmi Topuzi.
