“Kemi dorëzuar kërkesën për ngritjen e një komisioni hetimor për masakrën zgjedhore që ndodhi në 25 Prill. Është një nevojë ulëritëse që sistemi demokratik kërkon”, tha sot Nënkryetari i PD-së Enkelejd Alibeaj, pasi dorëzoi në Kuvend, kërkesën për ngritjen e Komisionit Parlamentar për këtë qëllim.
Në kërkesë ishin përfshirë çështjet dhe emrat e komisionerëve nga ana e Partisë Demokratike, që do të angazhohen për këtë hetim
1.Enkelejd Alibeaj (Kryetar)
2.Gazment Bardhi
3.Oerd Bylykbashi
4.Sorina Koti
5.Ferdinand Xhaferri
6 Ervin Salianji
7.Kreshnik Çollaku
Disa nga çështjet kryesore që meritojnë dhe do të hetohen, në transparencë të plotë me publikun, sipas Alibeajt, janë:
1. Mbyllja e kufijve, duke iu bërë të pamundur emigrantëve votimin
2. Legalizimi i 10 mijë banesave
3. Shtesa e ndihmës ekonomike vetëm disa muaj para zgjedhjeve, 20 mijë familje u rifutën në skemë, për tiu blerë votat përmes varfërisë
4. Punësimi i më së paku 13 mijë shqiptarëve me kontrata të përkohshme, në këtë vend që vetëm ikin njerëzit për shkak të papunësisë.
5. Rritja e rrogave për administratën, e cila është kthyer në një skuadër të PS, këta njerëz përdoren vetëm në periudhën e fushatave zgjedhore
6. Do të hetohen 120 milionë të asfaltit elektoral
7. Do të hetohen 505 milionë tendera, koncensione, që 878 kontrata, në vitet e tjera ka qenë një shifër tre herë më e vogël.
8. Fondet publike për tërmetin, fatkeqët dy dimra i kaluan jashtë, dhe u bënë me shtëpi vetëm disa javë para zgjedhjeve.
9. Do të hetohet dhe ajo që është qershia mbi tortë, spiunazhi modern; në 2021 në këtë vend edhe njëherë rikthehen makthet e regjimit të para 90-tës.
