Dy persona janë arrestuar për shkak se akuzohen si të përfshirë në vrasjen e 32-vjeçarit Albi Bashaliu në Gjoçaj të Peqinit.
Të arrestuarit janë Veiz Bashali, 41 vjeç dhe Mikel Xhaja., 30 vjeç, të dy banues në fshatin Gjoçaj, Peqin. Veiz Bashaliu është cuni i xhaxhait të viktimës. Ai është vënë në pranga nga policia, për shkak se ka qenë i pranishëm te lokali ditën e vrasjes. Policia njofton se autorët kanë marrë mjetin e viktimës për t’u larguar, ndërsa mjetin me të cilin ata udhëtonin e kanë djegur në vendngjarje.
Pas kryerjes së krimit, autorët i kanë vënë flakën automjetit me të cilin lëviznin, vetëm pak metra larg.
Vrasja e të riut Albi Bashaliut që tronditi Peqinin, dyshohet se është një krim me pagesë, ndërsa hakmarrja për shkak të konflikteve është pista kryesore.
Albi Bashaliu, është një emër i njohur për policinë. Nw vitin 2017, u arrestua për një atentat të dështuar ndaj dy personave. Në atë kohë dy personat shpëtuan pa lëndime ndërsa Albi Bashaliu u arrestua.
