Drejtuesi Politik i Koalicionit Euroatlantik, Lulzim Basha, gjatë takimit që zhvilloi me pensionistë në zonën e Laprakës në Tiranë, u pyet se çfarë masash do të marrë për ilaçet jo të sigurta që hyjnë në Shqipëri.

Basha theksoi se një nga masat që do merret do të jetë homologimi i ilaçeve shqiptare me ato europiane dhe ndërkombëtare. Sipas tij, çdo ilaç që është çertifikuar si i sigurt në Bashkimin Europian, SHBA, Britaninë e Madhe, Australi, dhe vendet e tjera të zhvilluara do të çertifikohet gjithashtu si i sigurt për pacientët shqiptarë.

Ai tha se vendimin për të hequr homologimin e ilaçeve ishte i ish-ministrit Ilir Beqja, i cili sot ndodhet tek 7×7-313, duke i hapur rrugë mafias së barnave, e cila përfiton nga ilaçet e paçertifikuara dhe me cilësi të dyshimtë. Basha u shpreh se politikat e qeverisë aktuale kanë vënë në rrezik shëndetin e qytetarëve dhe se ata që janë përgjegjës për këtë, do të japin llogari.

Pjesë nga bashkëbisedim:

Pensionisti: Unë kam gruan time që e kam pak pa qejf dhe i mori ilaçet jashtë. Sepse ilaçet tona nuk kanë efekt. Si do të punojmë që këto ilaçe mos të na vijnë, e të vijnë tamam për të gjithë ne shqiptarët, pleqtë sidomos?

Lulzim Basha: Me një fjali do të përgjigjem dhe pastajdo e zgjeroj pak. Ne do ta zgjidhim këtë duke bërë hologimin e ilaçeve shqiptare me ilaçet Europiane. Çfarë do me thënë kjo? Çdo ilaç që është çertifikuar në Bashkimin Europian, në Amerikë, në Britaninë e Madhe, në Australi, në Zelandë, në Japoni si i sigurt për pacientët e këtyre vendeve, do të çertifikohet si i sigurt për pacientin shqiptar. Asnjë ilaç që nuk është çertifikuar të paktën në një nga këto vende, Bashkimi europian, Zvicër, Norvegji, Britani, Kanada, Australi, Zelandë e Re, Japoni, vendet kryesore të OECD-së, asnjë ilaç që nuk është çertifikuar për këta pacientë, nuk do lejohet më të hyj në tregun shqiptar dhe t’i shërbehet si ilaç pa efekt apo nganjëherë me efekt të dëmshëm për shëndetin e pacientëve shqiptarë. Ça është e mirë për amerikanët dhe europianët, është e mirë edhe për shqiptarët. Çfarë nuk është e mirë për europianët dhe amerikanët, nuk është e mirë për shqiptarët, nuk do lejohet më të hyj.

Përgjigjja e gjatë e pyetjes është kjo; Ilir Beqja, tek 7×7-313, një nga gjërat e para që bëri, është që e hoqi homologimin. Tha, mund të futen dhe ilaçe të tjera. Pse e hoqi? Që të përfitonte mafia e ilaçeve.dhe mafia e ilaçeve shkon i merr këto nga vende ku cilësia është e pasigurtë në rastin më të pakët, është e pa kontrolluar. I merr për një çmim shumë të ulët dhe i shet me çmime të larta këtu që të përfitojnë ata 4,5 shokë të Edi Ramës që janë lidhur me këto. Kjo është mafia e barnave që vret më shumë shqiptarë se çdo mafie tjetër. Homologim e para, e dyta gjithçka që kaën bërë këta në këto 12 vite do japin llogari, nuk do ta hedhin kaq lehtë. I pari ka shku në burg, por kjo i ka kushtu jetë njerëzish Shqipërisë.

Drejtuesi Politik i Koalicionit Euroatlantik, Lulzim Basha, i shoqëruar nga kandidatja për deputete, Taulanda Jupi zhvilloi një takim me pensionistë në zonën e Laprakës në Tiranë, ku u diskutua për shqetësimet e tyre dhe programin.

Gjatë fjalës së tij, Basha theksoi se më 11 maj, qytetarët, veçanërisht pensionistët, do të përballen me një zgjedhje të rëndësishme; të vazhdojnë edhe katër vite të tjera me qeverisjen e Edi Ramës, apo të votojnë për përmirësimin e kushteve të jetesës së tyre dhe të familjeve të tyre.

“Më 11 maj, thelbi i zgjedhjes që do bëjnë qytetarët dhe në veçanti pensionistët kjo do jetë, ose do vazhdojmë edhe katër vite të tjera me Edi Ramën dhe shokët e tij tek 7×7=313 dhe shoqet e tij valltare me rripa nga 2 mijë euro. Ose do votoni për veten tuaj, për xhepin tuaj dhe të familjeve dhe të fëmijëve tuaj. Se normalisht shumica prej jush ia dilni për shkak të ndihmës që u japin fëmijët dhe familjet. Se me këto pensione nuk ka njeri t’ia dalë. Ky është thelbi i zgjedhjes që do të bëni në 11 maj” – tha ai.

Basha tha se programi i Koalicionit Euroatlantik do të sjellë rritje të konsiderueshme të pensioneve. Sipas tij, brenda katër viteve, pensioni minimal do të arrijë në 250 mijë lekë dhe pensioni mesatar në 450 mijë lekë. Për pensionistët që kanë pensione nën 300 mijë lekë, do të ofrohet një shumë fikse për të kompensuar faturat e energjisë, si dhe rimbursim të plotë të barnave.

Ai gjithashtu foli për platformën e Koalicionit Euroatlantik për shëndetësinë, duke nënvizuar se barnat do të rimbursohen plotësisht sipas diagnozës mjekësore, një masë që do të prekë veçanërisht të moshuarit, të cilët përballen me shpenzime të larta për ilaçe.

“Programi jonë për pensionet që është shpall i pari, parashikon brenda katër viteve pensioni minimal 250 mijë lekë, pensioni mesatar 450 mijë lekë. Për çdo pensionist nën 300 mijë lekë një shumë fikse për të kompensuar çdo muaj faturën e energjisë, si dhe sa i takon barnave, rimbursim 100% i barnave. Sot unë e di, kam nënën e cila merr barna me një vlerë të caktuar, një vlerë për afro 100 mijë lekë në muaj, vetëm 6 mijë lekë i rimbursohen” – tha Basha.

Për sa i përket financimit të këtyre politikave, Basha tha se ka një faturë të konsiderueshme, e cila do të arrijë deri në 560 milionë euro shtesë në vitin e katërt. Sipas tij, që të sigurohet kjo shumë, duhet që paratë mos të shkojnë tek të korruptuarit dhe e vetmja forcë politike që e ka seriozisht luftën kundër korrupsionit është Koalicioni Euroatlantik, numri 4.

“Çështjen e barnave ne e zgjidhim me platformën tonë për shëndetësinë, dhe ky është rimbursim sipas diagnozës. Siç e kediagnozën ashtu do rimbursohen 100%. Dhe kjo prek në veçanti moshën e tretë që normalisht përballet për shkak të moshës edhe me koston më të lartë, të shpenzimeve më të larta për ilaçe.

A ka një faturë për këtë? Sigurisht që ka një faturë. Fatura është kripur, që fillon vitin e parë me 380 milionë euro në vit shtesë që duhen për të përballuar këtë politik rritje pensionesh. Dhe në fund të vitit të katërt fatura shkon deri në 560 milionë euro shtesë. Si do përballohet fatura? Këtë se thotë as Edi Rama as Sali Berisha. E di ça thonë këta, jepe votën për numrin 5 që të nxjerrim shokët nga burgu, ai tjetri thotë do ta luftoj korrupsionin, ma jep votën për numrin 1 që të nxjerr Ilir Metën nga burgu. Po pse kështu do luftohet korrupsioni, duke nxjerr shokët që janë kapur duke vjedh? Kështu do vijnë lekët te ju, s’ka shans. E vetmja forcë politike që është angazhuar publikisht me vepra jo me fjalë për luftë kundër korrupsionit, është Koalicioni Euroatlantik, është numri 4” – tha Basha.

Nga Mirela Karabina

Edi Rama erdhi ne Elbasan, por në vend të qytetarëve të lirë, ai mblodhi turma të detyruara dhe qytetarë të heshtur nga frika apo varësia për të duartrokitur propagandën dhe përralllat e tij me Europën.

Rama injoroi realitetin, shpërfilli qytetarët, dhunoi adminstratën dhe përdori nxënësit dhe mësuesit.

Sot Elbasanin, si asnjëherë më parë, e ka mbytur zymtësia, rinia po ikën, pallate e lagje po boshatisen, fabrika mbyllen, papunësia është në rritje, pakënaqësia dhe revolta ndaj Ramës dhe pushtetit të korruptuar të tij është e lartë dhe shpresa e vakët.

Por në realitetin paralel të Edi Ramës çdo gjë është në rregull. Ai flet për “zhvillim”, por qyteti është më i varfër se kurrë; ai flet për “punësim”, por të rinjtë janë në radhë për të ikur; ai flet për “shtet” por korrupsioni është në çdo ind; ai fle për “shtet social” por shtresat vunerabël janë më të varfra se kurrë; ai flet për gratë por nënat kryefamiljare janë në betejë të vetme dhe të harruara nga shteti; ai flet shumë e shumë, por jo për qytetarët dhe hallet e tyre.

Kush e voton Edi Ramën dhe PS?
Kjo është pyetja.

Në 11 maj shpërfillja dhe dhuna ndaj qytetarit nga ky pushtet dhe revolta ndaj e tij, zgjedhja e Elbasanit do të jetë:
dinjiteti dhe jo mashtrimi, shpresa dhe jo frika, Shqipëria dhe jo Edi Rama.

Votoni Koalicionin Euroatlantik si alternativën më të besueshme që do t’i rikthejë punë, dinjitet, dhe
zhvillim të Elbasanit.

#BesoteShqipëria.
#BesoteElbasani
#Voto4 #VotoKoalicioninEuroatlantik
#VotoMirelaKarabina.

Foto: Rama në pallatin e sportit me adminstratën dhe qytetarë të varësuar e frikësuar.

Foto: nxënësit e shkollave duke shkuar te Parku Rinia me vizatime në duar, ku i pranishëm ishte dhe Rama.

Në një deklaratë publike, Marinela Ziu, kandidate për deputete e Koalicionit Euroatlantik në qarkun e Korçës, ka ngritur zërin për një nga çështjet më të ndjeshme dhe më të pambyllura të tranzicionit shqiptar: pronën. Me një qasje profesionale dhe të drejtpërdrejtë, Ziu kërkon një zgjidhje përfundimtare të problemeve që lidhen me ligjin 7501 dhe mungesën e dokumentacionit për mbi 80% të shqiptarëve.

“Nuk jemi në mesjetë – jemi më keq,” thekson ajo me tone të ashpra, duke kritikuar mungesën e vullnetit politik për ta kthyer pronën tek i zoti. Ajo vë në dukje se ligji famëkeq ka krijuar një dramë të heshtur në çdo familje shqiptare, duke i konsideruar “ish-pronarët” si qytetarë të dorës së dytë dhe duke i privuar nga një e drejtë themelore: prona.

Ziu, e cila ka kryer studimet e saj në të drejtë civile në Universitetin e Tiranës, thekson se çështja e pronës nuk është vetëm një detyrim ligjor, por një gur themeli për një Shqipëri të zhvilluar dhe të drejtë. Ajo paraqet një plan konkret, të detajuar dhe të realizueshëm për zgjidhjen e kësaj plage të vjetër të shoqërisë shqiptare.

Koalicioni Euroatlantik, thotë ajo, zotohet që brenda dy viteve të para të qeverisjes do ta zgjidhë këtë çështje, duke kthyer pronën aty ku është e mundur fizikisht, dhe duke kompensuar me vlerën e tregut përmes obligacioneve shtetërore në rastet e tjera. Zgjidhja, sipas saj, është çështje vullneti dhe prioriteti – jo mungesë fondesh, pasi vetëm dëmi ekonomik i shkaktuar nga korrupsioni kap vlerën mbi 11 miliardë euro.

Në programin e saj përfshihet:

Konsolidimi i kuadrit ligjor për kthimin dhe kompensimin e pronës;

Krijimi i një databaze kombëtare për vendimet përfundimtare;

Hartë e re e vlerës unike dhe e njëtrajtshme;

Krijimi i një fondi tokash për kompensim fizik nga pasuritë e sekuestruara, të pushtetit vendor dhe nga koncesione korruptive.

Ziu e mbyll deklaratën e saj me një thirrje të qartë për qytetarët: “Nuk ka dhe nuk mund të ketë një Shqipëri të zhvilluar pa zgjidhur problemin e pronës.” Vetëm kështu, sipas saj, vendi mund të hyjë realisht në rrugën drejt Europës.

Deklarata e plotë e Marinela Ziu, kandidate për deputete në qarkun e Korçës, Koalicioni Euroatlantik:

Gjatë studimeve të mia në Masterin Shkencor për “Të Drejtë Civile” në Universitetin e Tiranës, fokusi im kryesor ka qenë e drejta e pronës, si një nga të drejtat themelore të njeriut.

Ligji famëkeq 7501 ka shkaktuar drejtpërdrejt ose tërthorazi drama të jashtëzakonshme në thuajse çdo familje shqiptare, pikërisht nga shteti, i cili ka për detyrë të mbrojë pronën dhe qytetarët e vet.

Për këtë arsye, jam thelluar më tej në studimet e mija, duke punuar temën e diplomës me titull: “Pronarët e ligjshëm si ish-pronarë. Analizë mbi legjislacionin e kthimit dhe kompensimit të pronës”.

Është e papranueshme që një shtet i së drejtës të ngrihet mbi themele të rënuara, siç ka ndodhur për vite me radhë nga politika shqiptare. Që në fillim, duke i quajtur “ish-pronarë”, shteti jo vetëm i ka diskriminuar pronarët e ligjshëm, por ka krijuar qëllimisht kushte për të mos kthyer pronën tek i zoti.

Kalimi i kohës ka thelluar edhe më tej dramat sociale të lidhura me këtë çështje, por unë besoj fort se me vullnet politik dhe me politika që nuk prodhojnë drama të reja, prona duhet të kthehet aty ku është e mundur, ose të kompensohet drejtësisht në rastet kur kthimi fizik nuk është më i realizueshëm.

Paratë janë — mjafton të mos përfundojnë në xhepa pushtetarësh.

Fatkeqësisht, 80% e shqiptarëve nuk kanë dokumentacionin e pronës. Nuk jemi në mesjetë — jemi më keq.

Mendoj se politikat kundër korrupsionit duhet të ecin paralelisht me politikat e kthimit të pronës te i zoti.

Ne, si forcë e djathtë, besojmë te prona dhe shenjtëria e saj. Mbi të gjitha, besojmë se mbi 80% e pronarëve shqiptarë që sot nuk kanë në dorë letrat e pronave të tyre, janë pengesa më e rëndë për zhvillimin ekonomik të Shqipërisë.

Nuk ka reformë më të rëndësishme për Shqipërinë europiane sesa zgjidhja përfundimtare e pasigurisë së pronës dhe kthimi i saj 100% tek i zoti.

Fatura për kthimin e vlerës së plotë pronarëve të shpronësuar nga regjimi komunist dhe nga ligji 7501 pas rënies së tij është mbi 8 miliardë euro. Dhe kjo është e realizueshme, kur dihet që vetëm sipas KLSH-së, dëmi ekonomik i shkaktuar në vitet e fundit kap vlerën mbi 11 miliardë euro.

Sipas parimit “Uti Possidetis” – “Ashtu siç është”, Koalicioni Euroatlantik zotohet që brenda dy viteve të para të qeverisjes të zgjidhë çështjen e pronës. Kush e ka, do ta gëzojë; kush është penguar ta ketë, do të kompensohet me vlerën e tregut përmes obligacioneve shtetërore.

Dita kur kjo reformë do të përmbyllet është dita e parë e Shqipërisë së zhvilluar. Është dita e parë e shqiptarëve të lirë. Është dita e parë e Shqipërisë europiane.

Në qeverinë e re, ne do të realizojmë:

Konsolidimin e kuadrit ligjor për të dhënë zgjidhje përfundimtare çështjes së pronës;

Krijimin e një databaze për vendimet përfundimtare, sipas Ligjit të Pronës;

Rishikimin e hartës së vlerës, duke e bërë atë unike dhe të njëtrajtshme për të gjitha rastet;

Përcaktimin e saktë të faturës financiare për zbatimin e vendimeve.

Përmes kësaj skeme do të mundësohet:

Kthimi fizik i plotë i pronës;

Kompensimi fizik me një tokë tjetër të barasvlefshme në vlerë;

Konsolidimi i fondit të tokave për kompensim fizik, përmes:

Tokave të kaluara në inventarin e pushtetit vendor;

Pronave të konfiskuara sipas ligjit antimafia;

Pronave që rrjedhin nga kontratat PPP ose koncesione korruptive;

Kompensimit me vlerë tregu për pronat e pakthyeshme, përmes obligacioneve të posaçme shtetërore;

Thjeshtimit të procesit të kthimit dhe kompensimit të pronës.

Nuk ka dhe nuk mund të ketë një Shqipëri të zhvilluar pa zgjidhur problemin e pronës. Vetëm atëherë ekonomia shqiptare do të ecë përpara — më atraktive për investitorët vendas dhe të huaj dhe më e sigurt për të gjithë qytetarët.

✅ Voto 4️⃣ Koalicioni Euroatlantik

✅ Voto Marinela Ziu