Një atentat me armë ka ndodhur mbrëmjen e të martës në Durrës, por polica e fshehu ngjarjen dhe e raportoi atë pas publikimit të lajmit në mediat online. Persona të paidentifikuar kanë qëlluar me armë në mes të qytetit dhe më pas janë larguar. Nuk dihet se kush ka qenë objektivi i personave të armatosur, por pasi kanë qëlluar ata janë larguar me shpejtësi. Fatmirësisht nga të shtënat me armë nuk ka patur persona të dëmtuar.
Bëhet e ditur se ngjarja ka ndodhur rreth orës 22:40 të mbrëmjes së martë tek vendi i njohur si “Fabrika e bukës”. Vetëm pas publikimit të lajmit në mediat online, Policia e Durrësit deklaroi se ngjarja ka ndodhur në mesnatë nga persona të panjohur. Policia tha dje se, ka gjetur gëzhoja në vendin e ngjarjes, ndërsa bëri të ditur se është duke u punuar për identifikimin dhe kapjen e autorëve të kësaj ngjarjeje.
Ngjarja e rëndë ndodhi rreth orës 22:30, të mbrëmjes së martë në lagjen nr. 12, në Durrës. Pas një konflikti për motive të dobëta, 30-vjeçari Dorian Hasa ka tentuar të vrasë me armë zjarri tip pistoletë shtetasin R. P., 26 vjeç, banues në Durrës. Tentativa e vrasjes ka ndodhur pasi objekti i atentatit kishte goditur Hasën me grushte dhe me sende të forta në fytyrë.
Pas kësaj, Dorian Hasa ka qëlluar me armë zjarri, në drejtim të shtetasit R. P., i cili është shmangur duke u larguar me vrap nëpër rrugicat e lagjes. Autori i dyshuar është larguar nga vendi i ngjarjes duke marrë me vete edhe armën e krimit. Me të marrë njoftim shkuan në vendngjarje efektivët e Policisë së Durrësit.
Grupi hetimor kreu veprimet e para hetimore duke këqyrur vendin e ngjarjes, ku sekuestroi provat materiale, pyeti dëshmitarët okularë, të cilat mundësuan identifikimin dhe vënien në ndjekje të autorit të dyshuar. Në vendngjarje u gjet dhe u sekuestrua në cilësinë e provës materiale, një gëzhojë e kalibrit 7.62 mm, model 54.
