Jo vetëm në Fier dhe Këlcyrë. Protestë anti-qeveri është mbajtur sot edhe në qytetin e Sarandës. Qindra qytetarë kanë dalë në qendër të qytetit jugor dhe kanë protestuar për më shumë punë, taksa të ulëta dhe rrëzimin e qeverisë Rama.
Tubimi u organizua nga dega lokale e PD-së, por nuk munguan dhe mjaft qytetarë që shprehën revoltën e tyre.
Si rrallë herë, protestës opozitare i janë bashkuar dhe socialistë të njohur të këtij qyteti.
Një ish-socialist që mori fjalën në takim sfidoi kryeministrin Rama duke i thënë: “Eja flasim. Unë e kam mbështetur i pari Edi Ramën dhe sot jam opozitari i parë kundër tij’, u shpreh qytetari, raporton “Sarandaweb”.
Ai i kujtoi premtimet e pambajtura dhe vështirësitë me të cilat ndeshën banorët e qytetit bregdetar.
