Nga Sali BERISHA
Nga Edvin Kristaq Krimi, narkoqeveria dhe narkoshteti i tij, shqiptarët jo që nuk do të hapin negociatat me BE, por rrezikojnë shumë seriozisht të humbasin një ndër arritjet më të mëdha të jetës tyre, lëvizjen e lirë në Europë, hapësirën e Shengenit.
Dje, parlamenti i Mbretërisë së Hollandës, me kërkesë të tre grupeve parlamentare, konkretisht të Partisë Kristian Demokrate, Partisë Socialiste dhe Partia e Liri, votoi dhe miratoi me shumicë votash, propozimin e këtyre grupeve për rivendosjen e vizave për shtetasit shqiptarë, për shkak të kriminalitetit agresiv dhe në rritje si dhe emigracionit ilegal.
Kështu, Shqipëria e narkoshtetit të Edvin Kristaq Krimit, bëhet vendi i parë për të cilin votohet nga një vend anëtar i BE, rikthimi i vizave për qytetarët e saj.
Po rikujtoj këtu se në vitin 2010, qeveria e Mbretërisë së Hollandës ka qënë mbështetës kryesor yni për heqjen e vizave. Por rritja e madhe e kriminalitetit me origjinë shqiptare dhe e numrit të azilkërkuesve, detyruan në vitin 2017, agjensitë ligjzbatuese të Mbretërisë së Hollandës, t’u kërkojnë autoriteteve të tyre vendimarrëse, rikthimin e vizave për shqiptarët.
Rëndimi i mëtejshëm i këtyre problemeve sollën në votimin e djeshëm, që përbën në rast zbatimi, një ndëshkim tejet të hidhur për shqiptarët.
