Kryetari i PD, Lulzim Basha deklaroi sot se largimi i Ramës është një kusht i panegociueshëm nga Partiia Demokratike. Basha tha se duhet të largohet Rama, me qëllim që t’i hapet rruga dialogut me PS për të pasur një qeveri tranzitore.
“Edi Rama është kryeministri më i paaftë dhe më i inkriminuar në Ballkan. Ai kryeson një qeverisje, me njerëz që në çdo hallkë të pushtetit vetëm dhunojnë, janë si një organizatë kriminale. Largimi i Ramës është një kusht i panegociueshëm për PD. Pas largimit të Ramës, PD do të hyjë në bisedime me PS për të formuar një qeveri tranzitore për t’i dhënë fund krizës politike”, tha Basha.
Basha u shpreh pas Këshillit Kombëtarse, çdo shqiptar sot është në betejë me pushtetin kriminal të ngritur nga Edi Rama.
“Rama dhe njerëzit e tij janë fajtorë sot pse Shqipëria lëngon, për shkatërrimin e banesave te Unaza dhe Bregu i Lumit, për mbylljen e bizneseve, për çuarjen e fermerëve në falimentim, për studentët që janë sot në situatë emergjente, për pensionistët që me pensionet që marrin nuk kalojnë dot as gjysmën e muajit.
“Çdo shqiptar është në betejë me pushtetin kriminal të ngritur nga Edi Rama. Kjo është një qeveri e dalë nga krimi. Duhet ta çlirojmë këtë qeveri të dalë nga krimi, këtë ekonomi që është bërë palë me krimin. Shembja e shtëpive në kundërshtim me ligjin e Kushtetutën, mbyllja e bizneseve, çuarja e fermerëve në dëshpërim, shpërfillja totale e studentëve, çuarja e pensionistëve në kufijtë e ekzistencës janë pasoja të shkatërrimit të besimit të demokracisë.
Do luftojmë për të zhbërë këto probleme të krijojmë kushte përmes lirisë, barazisë para ligjit, që çdokush të ketë liri dhe barazi në Shqipëri për veten dhe komunitetin”, tha Basha.
