Arben Malaj ekspert i politikave ekonomike ka dhënë një intervistë për Fax News. Malaj në këtë intervistë ka folur kryesisht për mbi taksimin që i është bërë qytetarëve të Tiranës, me atë të taksave të shtetit dhe ato të Bashkisë.
Malaj shprehet se janë shtuar taksat nga Bashkia e Tiranës dhe se kjo gjë ka krijuar shumë problematike. Sipas ish-minitrit Malaj Bashkia duhet të investojë në dy shtylla kryesore: edukim dhe shëndët dhe se rrugët bëhen dhe në bashkëkonkordanca me qeverinë.
“Janë shtuar taksat në Tiranë dhe kjo gjë ka shkaktuar mjaft problematika. Është e vërtetë se Tirana për shkak të flukseve më të mëdha ka nevojë të ketë më shumë institucione si çerdhe shkolla etj. Lind pyetja kush duhet ti financojë për ti ndërtuar dhe kush duhet ti përmbajë.
Edukimi është i pari aty ku duhet të investohet. Së dyti duhet ti kushtohet vëmendje shëndetit dhe institucioneve të shëndetit. Për sa i përket rrugëve kjo gjë vjen dhe në bashkëpunime me buxhetin e qeverisë.
Rrugët janë të rëndësishme por zhvillimi i një vendi nuk vjen vetëm nga rrugët, kësisoj duhet bërë një menaxhim më i mirë i taksave të Tiranës dhe të taksave që i paguajmë shtetit. Tirana ka 34 deputete që në mund të ndikojë në prioritetet që ka qeveria” ,u shpreh Malaj.
Më tej gjatë fjalës së tij Malaj thotë që është totalisht kundër ligjit që të vendosen taksa për objekte të veçanta dhe se ai bashkë me kolegë të tjerë e kanë çuar çështjen e mbi taksimit në Gjykatë sepse nuk mund të qeveriset dhe të menazhohet qyteti në këtë mënyrë.
“Nuk është e ligjshme të vendosen taksa për një objekt të veçantë. Do të shkojmë në Gjykatë për të rrëzuar vendimin për mbitaksim të të ardhurave. Duhet anulluar taksa e dyfishtë për qytetarët e Tiranës si dhe për të dhënë një mesazh të qartë se kush duhet të financojë çfarë dhe të pasqyrohen çdo gjë për publikun”, tha eksperti.
Malaj thotë që Veliaj duhet të gjejë një mënyrë për t’i kthyer qytetarve parata e marra padrejtësisht nga taksat dhe se bashkë me qeverinë duhet të qeverisin në një mënyrë jo arrogante sepse ky është shkaku kryesor pse njerzit po emigrojnë dhe po ikin jashtë shtetit.
“Veliaj duhet të gjejë një mënyrë si t’ia kthejë qytetarëve paratë e marra padrejtësisht nga taksat. Aleati më i mirë i Bashkisë është transparenca. Qeverisja e një vendi shkohet në mënyrën se si qytetarët informale shtyren të paguajnë dhe të jenë në rregul me ligjin.
Duhet të qeveriset me zemër, me shkencë dhe jo me masa të ashpra. Njerëzit ikin nga arrogance e mënyrës së qeverisjes. Kryetari i Bashkisë ose Kryeministri nuk duhet të krijojë distancë me qytetarët”, vijoi më tej Malaj.
Përsa i përket rritjes së çmimit të ujit dhëe rritjes së cmimit të dritave Malaj thotë që kjo gjë duhet të vijë në mënyrë graduale.
“A duhet të rritet çmimi i ujit? Mund të rritet po duhet në mënyrë graduale. Politika duhet të prodhojë zhvillim”, u shpreh Malaj.
Malaj thotë që Veliaj po bën një reklamë të dëmshme në televizione dhe rrjete sociale.
“Ne duhet të mësojmë politikanët tanë të qeverisin në bazë të ligjit. Ata nuk janë të dërguarit e të Zotit. Ata menaxhojnë paratë e qytetarve dhe duhet të rritet ndërgjegjësimi dhe reagimi i qytyetarëve.
Reklama që bën Veliaj është e dëmshme. Tv japin kasetat e Veliajt. Risqet egzistojnë, ndryshimi qëndron në raportin që krijojnë politikanët. Bëni kujdes, kush ju jep gjëra falas, asgjë e mirë nuk hahet thatë. Rrjetet sociale të lejojnë të prezantosh probleme dhe pa pasur nevojë për insitucionet”, përfundoi Malaj.
“Faxweb.al”
