Studenti Arlind Hoxha, nga studio e emisionit “Tempora” në RTV Ora, i adresoi një mesazh kryeministrit Edi Rama, disa orë para zhvillimit të protestës kombëtare studentore.
Hoxha tha se propaganda e qeverisë nuk bën më punë tek studentët.
“Fasada dhe propaganda nuk bëjnë më punë tek studentët. Duhet të ulet realisht të punojë për arsimin, sepse arsimi nuk është as i djathtë dhe as i majtë. Është i rinisë shqiptare. Nuk duhet ti lëmë të cunguar brezat në një arsim jo cilësor, por duhet të arrijmë një arsim cilësor dhe të ecë përpara”, tha ai.
