Studentët kanë niosur protestën e tyre kundër qeverisë për mosplotësimin e kërkesave të ngritura në protetën e dhjetroit të vitit të kaluar.
Të gjendur përballë mosmbajtjes së premtimeve nga ana e qeverisë, studentët, ashtu siç kishin paralajmëruar, kanë nisur protestën orën 12:00 tek Ministria e Arsimit. Gjithashtu, është siguruar edhe lista me 14 kërkesat e tyre, një pjesë e të cilave ngjasojnë me ato të muajit Dhjetor, kur nisën dhe protestat masive studentore, që lëkundën jo pak pozitate qeverisë.
Ndër pikat më të rëndësishme të listës së kërkesave është ulja me 50% të tarifës së Masterit, heqja e tarifave shtesë për provimet e prapambetura, kriteri i gjuhës së huaj të ruhet por të jepet si provim në Fakultetin e Gjuhëve të Huaja me tarifë të përballueshme prej tyre.
Ata kërkojnë gjithashtu investime urgjente në laboratorë e kabinete, rritjen e peshës së votës studentore në 25%, por edhe rritjen e pagës për pedagogët. Ende nuk dihet çfarë përmasash do të marrë portesta e sotme, ndërsa priten edhe studentë nga rrethet.
