Fatmir Xhafaj, i cili është vënë në krye të operacionit për të reformuar drejtësinë shqiptare, në fakt është akuzuar prej kohësh se i vëllai i tij ka qenë pjesë e një organizate të trafikimit të drogës së pari nga Vlora në Itali e më pas organizata nisi të sjellë drogën nga vendet e Amerikës Latine në Europë.
Më poshtë po ju zbardhim akuzat dhe përshkrimin e aktivitetit kriminal të Agron Xhafajt (vëllait të kryetarit të Komisionit të Ligjeve, Fatmir Xhafaj) të zbardhur nga aktakuza orgjinale e Prokurorisë së Leçes, me plot 7 akuza që rëndojnë mbi të. Për të zbardhur këtë aktivitet kriminal, në vitin 2001, u përfshi edhe DEA (Agjencia amerikane e Luftës kundër Narkotikëve), e cila më pas në bashkëpunim me Prokurorinë e Leçes dhe atë të Venezuelës ndërmorën operacionin për arrestimin e grupit të strukturuar kriminal.
Në dosjen e siguruar nga “Syri.net” dhe që publikohet për herë të parë për publikun shqiptar, janë plot 7 akuza konkrete që tregojnë përfshirjen e Agron Xhafajt në këtë aktivitet kriminal, i cili gjatë asaj kohe përveç përfshirjes në këtë aktivitet grup të struktuar të trafikut të drogës, drejtonte edhe një grup të vetin të shpërndarjes në zonën e Bolonjës.
Më poshtë lexoni të plotë aktakuzën dhe 7 akuzat që përfshijnë Agron Xhafajn, vëllain e kryetarit të Komisionit të Ligjeve, Fatmir Xhafaj…
Gjykata e Leçes
Urdhër arresti
Gjykatësja, Dr. Laura Liguori lexon aktet në drejtim të:
Murataj Besnik, alias Myrtaj Besnik, i quajtur “Beso”, “Niku” ose “Anest”, lindur më 14.04.1976 në Vlorë
Gerardi Rino, lindur në Venezia
Kaci Maltin, i quajtur “Mali”, lindur në Fier
Lo Sasso Paoli, alias Albano Paoli, lindur në Palermo
Maci Altin, i mbiquajtur “Miu”, lindur në Vlorë
Morello Antony, rezident në Kanada
Morello Frank, lindur në Montreal
Murataj Gramos, lindur në Vlorë
Papa Fadil, alias Haxhiaj Ndriçim, i quajtur “Çimi”, lindur në Fier
Piekarniak Tomaz, i quajtur Tomas ose Tomek, lindur në Varshavë
Qezi Ervin, i quajtur Vini, lindur në Fier
Sali Edison, i quajtur Soni, lindur në Fier
Seferaj Orges, i quajtur Geso ose Gesi, lindur në Vlorë
Szamborowski Adam, lindur në Poloni
Toro Julian, i quajtur Luli, lindur në Vlorë
Xhafaj (alias Xhafan) Agron, i quajtur “Goni” lindur në Shqipëri më 8.6.1975.
Të hetuar:
Murataj Gramos, Murataj Besnik, Lo Sasso Paolo, Maci Altin, Papa Fadil, Sali Edison, Seferaj Orges, Kaci Maltin dhe Xhafaj Agron, Morello Frank e Morrello Antony.
a) Për krimin e artikullit 76 DPR n. 309/90 sepse kanë qenë pjesë e një organizate që merrej me trafikun ndërkombëtar mes Europës dhe SHBA-së: në një veçanti, fillimisht Murataj Besnik dhe vëllai i tij Murataj Gramos nga Italia e Shqipëria, rakordonin me Lo Sasso Paolo me qëndrim në SHBA e me të cilin operonin Morello Frank e Morello Antony dhe të tjerë subjekte, të cilët kishin financuar operacionin, një trafik heroine mes Shqipërisë dhe SHBA-së, përmes Italisë, si dhe një trafik reciprok kokaine nga Amerika në Europë: Marrrëveshja parashikonte fillimisht shkëmbimin e 50 kg heroinë me një sasi totale prej 300 kg të gatshme në një anije të ankoruar në Haiti, e më pas marrëveshja modifikohej me parashikimin e furnizimit të 40 kg heroinë, e pararendur me një kampion prej 1 kg të substancës që Morello Frank, i cili kishte mbërritur apostafat nga Amerika me detyrën e ngarkuar nga Morello Antony e Lo Sasso Paolo, do të tërhiqte nga Shqipëria me bashkëpunimin e Sali Edison, Papa Fadil e Maci Altin, por që do të arrestohej pikërisht në momentin e imbarkimit në Portin e Vlorës në drejtim të Brindisit. Për këtë arsye, Murataj Besnik arriti të siguronte pas shumë takimesh me interlokutorë të një të dërguari te grupit amerikan (i cili në fakt ishte një agjent i DEA-s nën koperturë) një kampion baraz me një kg heroinë që ishte siguruar nga Xhafaj Agron (i vëllai i Fatmir Xhafajt) dhe Seferaj Orges, e cila u dorëzuar në Firence nga këta të fundit tek Murataj Besnik, kjo ka ndodhur edhe në Leçe, Venecia, Bolonja, Firence dhe në lokalitet jashtë Italisë të konfirmuara që në dhjetor të 2001-it.
Akuza e dytë
Murataj Gramoz, Murataj Besnik, Gerardi Rino, Maci Altin, Qezi Ervin, Papa Fadil, Piekarniak Tomaz, Sali Edison, Seferaj Orges, Xhafaj Agron
b) Akuzohen për krimin sipas artikullit 74 DPR n. 309/90 sepse kanë qenë pjesë e një organizate që financonte trafikun ndërkombëtar të shpërndarjes së disa tipeve të ndryshme të substancave narkotike (heroinë, marijuanë hashash). Papa Fadil siguronte lëndën narkotike në Shqipëri, duke siguruar edhe transportin detar deri në Salento dhe pas një periudhe të shkurtër, lënda narkotike i dorëzohej disa të njohurve në veçanti në Venezia, ku vepronte Murataj Besnik, i cili në bashkëpunim me Pierkarniak Tomaz i jepte sistematikisht lëndë narkotike Gerardi Rino dhe Qezi Ervin, të cilët më pas zhvillonin operacionin e shpërndarjes së drogës në Venecia, Treviso dhe në Bolonja ku vepronte Agron Xhafaj (i cili menaxhonte një rrjet të tijin të shpërndarjes së drogës së bashku me Orges Seferaj), ndërsa në Parma vepronte Altin Maci dhe Edison Sali.
Akuza e tretë
Besnik Murataj, Agron Xhafaj, Fadil Papa
c) Akuzohen për veprën penale të artikullit 110 c.p dhe artikullin 73 DPR 309/90 pasi në bashkëpunim me njëri-tjetrin dhe persona të tjerë të paidentifikuar, akuzohen për mbajtje të jashtëligjshme, importim në territorin e shtetit dhe transport në sasi të papërcaktuar të marijuanës. Në veçanti Fadil Papa, e zhvillonte trafikun duke përdorur territorin salentin, ndërsa Agron Xhafaj siguronte ose tërhiqte direkt lëndën narkotike nga Besnik Murataj në Provincën e Leçes më 10.9.200.
Akuza e katërt
Besnik Murataj, Tomaz Piekarniak, Agron Xhafaj
i) Akuzohen në bazë të artikullit 110 c.p dhe artikullit 73 DPR 309/90 sepse në bashkëpunim me njëri-tjetrin kanë mbajtur në mënyrë të paligjshme, kanë trafikuar dhe kanë blerë lëndë narkotike të tipit heroinë, në veçanti Besnik Murataj, merrte dhe i dorëzonte Agron Xhafajt përmes Tomaz Piekarniak, 10 gramë heroinë në Venecia më 4.11.2000.
Akuza e pestë
Besnik Murataj, Tomaz Piekarnika, Agron Xhafaj e Orges Seferaj
l) Akuzohen në bazë të artikullit 110 c.p dhe artikullit 73 DPR 309/90 sepse në bashkëpunim me njëri-tjetrin kanë mbajtur në mënyrë të paligjshme, kanë trafikuar dhe kanë blerë lëndë narkotike të tipit heroinë, në veçanti Besnik Murataj, merrte dhe i dorëzonte Agron Xhafajt përmes Tomaz Piekarniak, 40 gramë heroinë në Bolonja dhe më pas Xhafaj ia jepte këtë lëndë Orges Seferajt për ta shpërndarë.
Akuza e gjashtë
Besnik Murataj, Tomaz Piekarnika, Agron Xhafaj e Orges Seferaj
m) Akuzohen në bazë të artikullit 110 c.p dhe artikullit 73 DPR 309/90 sepse në bashkëpunim me njëri-tjetrin kanë mbajtur në mënyrë të paligjshme, kanë trafikuar dhe kanë blerë lëndë narkotike të tipit hashash, në veçanti Agron Xhafaj dhe Orges Seferaj, merrte dhe i dorëzonte Besnik Muratajt përmes Tomaz Piekarniak, një sasi hashashi për ta shitur në Bolonja.
Akuza e shtatë
Besnik Murataj, Agron Xhafaj, Orges Seferaj, Paolo lo Sasso
q) Akuzohen në bazë të artikullit 110 c.p dhe artikullit 73 DPR 309/90 sepse në bashkëpunim me njëri-tjetrin kanë mbajtur në mënyrë të paligjshme, kanë trafikuar dhe kanë blerë lëndë narkotike 1 kg heroinë, në veçanti Besnik Murataj sipas kërkesës së Paolo lo Sasso, zotëronte dhe i dorëzonte përmes Agron Xhafajt dhe Orges Seferajt, lëndën narkotike që i dorëzohej më pas një agjenti të DEA-s nën maskim në mes të një grupi kriminal nga Amerika e Veriut me detyrën për të transportuar blerësve amerikanë Lilian Guerrera, Vito Vizzi, Richard Gagne, Antonio Vizzi, Jaeck Michael e Deave Caron në Firence dhe në vende të tjera më 13.6.2001.
“Syri.net”
