Tre negociatorë nga tre forcat politike PD, PS dhe LSI do të takohen në Kryesinë e Kuvendit për të diskutar për propozimin hibrid të Reformës në Drejtësi. Në përfundim të takimit tripalësh dje, Rama-Meta-Basha u arrit që të mandatoheshin tre negociatorët Oerd Bylykbashi i PD, Ëngjëll Agaçi i PS dhe Ylli Manjani i LSI, të cilët po diskutojnë për miratimin me konsensus të Reformës në Drejtësi. Deri në seancën e datës 21 korrik, pritet që këto dy ditë takimet e negociatorëve të jenë intensive.
