Kryetarja e Bashkisë së Shkodrës, Voltana Ademi u shpreh gjatë një takimi me qytetarët në ambinetet e Bashkisë se, sot qytetarët e Shkodrës i dhanë përgjigjen e merituar Ramës.
Ademi tha se, beteja e qytetarëve do të vazhdojë. “Nuk lejojmë uzurpatorë në Bashkinë e Shkodrës, do të ç’bëhet çfarë kanë bërë”, deklaroi Voltana Ademi.
Ademi u shpreh se, do të qëndrojë në krye të Bashkisë derisa të bëhen zgjedhjet për kryetar Bashkie. “Kemi detyrën të gjithë të mbrojmë qytetin e Shkodrës”, tha Ademi.
Voltana Ademi nuk ka dalë për asnjë moment nga zyra e saj në Bashkinë Shkodër. Prej andej ajo ka ndjekur të gjitha zhvillimet, ku mësoi se është konstituar dhe Këshilli i ri Bashkiak.
Pas mbarimit të mbledhjes dhe përplasjeve në rrugë mes militantëve të PD dhe Policisë, në zyrën e ademit ka mbërritur Gazment Bardhi.
Sekretari i Përgjitshëm i Partisë Demokratike, ka shkuar në zyrëne Ademit dhe ka zhvilluar një takim kokë më kokë me të.
Deklarata e Voltana Ademit
Dua ta filloj me një deklaratë për të gjithë qytetarët e Shkodrës, mbështetësit tanë, drejtuesit politikë, që edhe sot, në një ditë të vështirë mbrojtën dhe vazhdojnë të mbrojnë qytetin.
Bashkia e Shkodrës është e qytetarëve të Shkodrës dhe e askujt tjetër dhe të gjithë bashkë kemi detyrën ta mbrojmë dhe ta mbajmë vendin tonë.
Shkodra më shumë se gjithkush e meriton këtë.
Votimet e 30 Qershorit një farsë, do të zhbëhen. Këtë e thonë të gjithë qytetarët. edhe sot në të ashtuquajturën mbledhje politike farësë, celularë politike dhe madje kriminale, kurrkush nuk mundet të dalë mbi vullnetin e njerëzve. Ajo që ndodhi sot në Shkodër do të zhbëhet dhe nuk do të lejohet që një uzurpator të uzurpojë qytetin dhe Shqipërinë.
Falenderime kanë njerëzit që me vendosmërinë e tyre e kanë demostruar përditë. Ndaj unë nuk lodhem së falenderuari përditë.
Ne do të vazhdojmë të gjtihë bashkë ta duam qytetin, ta mbrojmë. Unë do të kem detyrën dhe përgjegjësinë nga ana tjetër, që të jem kryetare e bashkisë së Shkodrës, deri në momentin sa më të shpejtë për të gjithë ne jo vetëm për Shkodrën, ku ne shqiptarët, ne shkodranët, të sgurojmë zgjehdje të vërteta të rregullta.
