Nga Qamil Gjyrezi
Vizita e parë zyrtare e Kryeminsitrit të dështuar Edi Rama, si kreu i O.S.B.E.-së për të zgjidhur krizën në Ukrainë, “tingëllon” shumë kontradiktore, mbasi Rama ka krijuar një krizë të thellë politike dhe ekonomike në Shqipëri!
Drejtimi i një organizate të rëndësishme ndërkombëtare, sic është O.S.B.E. është një ngjarje me rëndësi për neve, por nëse kryeministri i vendit tonë do të drejtonte dhe qeveriste mirë vendin e tij!
Por Edi Rama, të cilit i ra radha ta drejtojë këtë organizëm, ka blerë zgjedhjet në Shqipëri dhe ka implementuar një shtet autoritar ku shkelen ditë për ditë të drejtat e qytetarëve.
I gjithë shteti është kapur nga pushteti i një pakice oligarkësh të konfirmuar zyrtarisht. Parlamenti shqiptar ëshë ilegjitim. Drejtësia në vend është paralizuar, nga reformat gjysmake të Edi Ramës. Politika e Rilindjes është e inkriminuar dhe ekonomia ka falimentuar.
Shtrohet pyetja si ka mundësi kryeminstri i një vendi në kolaps në të gjitha planet të zgjidhi kriza botërore?!
Një kryeministër që e ka cuar vendin e tij drejt kolapsit ekonomik dhe social e ka të vështirë të respektojë parimet dhe angazhimet e O.S.B.E.-së dhe të inkurajojë zbatimin e plotë të marrëveshjes së Minskut.
A përdor Edi Rama dy standarte për të drejtuar punët e botës dhe qeverisur në vend? Një standart në ceshtjet ndërkombëtare dhe një standart tjetër në qeverisjen e vendit, që ka paralizurar ekonominë dhe po humbet shpresën për të ardhmen.
Apo Edi Rama vazhdon “traditën e shqiptarëve”, në kohën e perandorisë osmane që kanë drejtuar mirë shtete të tjera dhe vendit tonë i kanë sjellë me “qindra zullume” dhe i kanë bërë dëme historike?!
Sipas meje një politikan që i ka bërë dëme vendit të tij, me qeverisjen e tij të dështuar, e ka të vështirë të drejtojë kriza të cilat këkojnë formim dhe angazhim të vecantë!
Shpresoj se këshilli politik aktual, do të përfundojë reformën zgjedhore dhe pastaj zgjedhjet e parakohëshme kombëtare dhe lokale janë të domosdoshme!
Gjysmën e mbetur të drejtimit të O.S.B.E.-së do ta bëjë një kryeminsitër i përgjegjshëm, sic është Lulzim Basha që shkruan në statusin e tij “Shqipëria e para” dhe pastaj ka të drejtën morale dhe politike të zgjidhi krizat europiane dhe botërore.
