Demokratët e qarkut Fier do të votojnë nesër për kandidatët për deputet, duke iu bashkuar 8 qarqeve ku më parë janë zhvilluar zgjedhje.
Në degën e PD në Lushnje kandidojnë 13 emra, mes të cilëve edhe avokati i njohur Indrit Sefa. Përmes votës kontestuese, anëtarësia e PD do të përcaktojë mbështetjen ndaj kandidatëve, ndërsa skualifikimi nga gara ndodh vetëm nëse kandidati merr 20 % vota kontestuese.
Lista e kandidatëve për degën e Lushnjes
Afrim Kokla
Alvin Gjata
Eduart Tashi
Elton Bano
Eriselda Prishta
Fogert Hoxha
Gazmend Koduzi
Hekuran Korreshi
Indrit Sefa
Jakup Beiqi
Klement Çela
Ndriçim Bali
Nevila Bami
Ylli Zdrava
Pas përfundimit të procesit të konsultimit me anëtarësinë, kandidatët e konfirmuar i nënshtrohen vlerësimit përfundimtar të Komisionit në fazën e tretë. Anëtarët e komisionit votojnë bazuar, kryesisht, në vlerësimin e performancës politike të kandidatit dhe mundësinë e maksimalizimit të votës.
Pas këtij vlerësimi përfundimtar, lista me kandidatët që kalojnë fazën e tretë i dorëzohet për vendimmarrje finale Kryesisë së Partisë Demokratike. Votimi i konsultimit të anëtarësisë ka përfunduar në Qarkun e Kukësit, Dibrës, Gjirokastrës, Beratit, Durrësit, Shkodrë, Lezhës e Korçës.
