Ambasadorja e SHBA në Tiranë, Yuri Kim ka folur me ermra sot për personat e inkriminuar që nuk duhet të kandidojnë për deputetë.
Me një postim në Twitter, Ambasadorja Kim shkruan se, aleati i Edi Ramës, Tom Doshi është person ‘non grata’ në SHBA dhe kërkon që ai të mos jetë kandidat në zgjedhje.
Ambasadorja e SHBA shkruan se, shqiptarët meritojnë një kandidat më të mirë.
“Ndërsa autoritetet zgjedhore përgatisin zgjedhjet, ia vlen të kujtohet ky përcaktim publik për korrupsion madhor, i vendosur nga Sekretari i Shtetit pas shqyrtimit të kujdesshëm të informacionit.
Me siguri votuesit e shqiptarë meritojnë më mirë se kaq”. @USAmbAlbania Yuri Kim, shkruhet në Twitter.
Tom Doshi është shpallur non grata nga Departamenti i Shtetit, bazuar në Seksionin 7031(c) të Consolidated Appropriations Act për Vitin Fiskal 2017, si të paligjshëm për të hyrë në Shtetet e Bashkuara, për shkak të përfshirjes së tij në korrupsion domethënës.
