“Do t’i takoj edhe ata njerëz në Tropojë që janë gati të më hanë gjallë me shkopin e flamurit në dorë”, iu drejtua Rama deputetes së PD, Hajdarmataj. Rama tha se do të shkonte në Tropojë për të inauguruar shëtitoren e qytetit, ndërsa deputetja tha se shëtitorja do të jetë vërtet e bukur, por nuk sjell vende pune të reja dhe as të ardhura për qytetarët. Për të parën herë Rama pranoi se, rruga e “Kombit” është një nga rruga me standardet më cilësore e ndërtuar në vend, ndonëse tha ai, kjo rrugë ende nuk ka përfunduar.
