7.25 kg kokainë u kapën gjatë ditës së sotme në Portin e Durrësit. Burime nga policia bënë të ditur se droga u kap në kontenierët me banane të kompanisë ‘Alba Exotic Fruit’.
Sipas gazetares Klodiana Lala, fillimisht pati sinjalizime dhe më pas Policia zhvilloi kontrolle për disa orë në konteinerët e kompanisë.
Droga vjen nga Amerika Latine, teksa deri tani nuk ka të dyshuar apo të arrestuar.
Kjo është hera e katërt që kjo kompani vihet në shënjestër të operacioneve policore, teksa kjo është hera e tretë që i kapet kokainë në konteiner.
