Një aksident me vdekje ka ndodhur ditën e sotme në aksin rrugor Elbasan-Librazhd në fshatin Mirakë.
Viktimë mbeti i riu Rei Palloshi 21 vjeç nga qyteti i Elbasanit. I riu, i cili po udhëtonte me mjetin e tij tip audi 3 ngjyrë të bardhë ka dalë nga rruga duke përfunduar në një arë, ndërsa mjeti është kthyer përmbys.
Burimet bëjnë me dije se, ka qenë një kalimtar i rastit ai që ka pikasur makinën e përmbysur duke njoftuar policinë. Ka dyshime se dalja e mjetit nga rruga të ketë ndodhur shumë më parë nga se u lajmërua policia, pasi nga kqyrja e mjetit motorri ka qënë i ftohtë.
U desh ndërhyrja e mjeteve të zjarrfikëses për nxjerrjen e trupit nga makina, ndërsa policia fillimisht kërkoi për një trup të dytë por fatmirësisht rezultoi se 21 vjeçari kishte qënë i vetëm në mjet.
Shkak për aksidentin mendohet se është bërë lagështira e madhe që ka qenë e pranishme në këtë aks rrugor. Grupi hetimor në vendngjarje nisi hetimet për këtë rast.
