Deputeti i Partisë Demokratike Ervin Salianji, ka publikuar fakte të reja nga gjetjet e Komisionit Hetimor për Inceneratorët. I ftuar në Opinion, Salianji renditi të gjitha institucionet shtetërore që sipas tij janë përfshirë në aferën e inceneratorëve.
Sipas Salianjit pjesë e gjithë kesaj afere mafioze 430 milione euro ka qenë “Ministria e Mjedisit, Minista e Financave, Ministria e Energjisë, dhe Sekretari i Përgjithshëm i kryeministrisë”.
Ndërkohë ai tha gjithashtu se edhe bashkitë Fier, Elbasan dhe Durrës janë përfshirë në këtë aferë, ku specifikoi Durrësin dhe kandidaten Emirjana Sako, që sipas tij ka dhënë 10 milionë euro pa shpallje. Salianji citoi gjithashtu institucionet e varësisë, “Agjencia e Prokurorimit Publik, Agjencia e Trajtimit të Konçensioneve dhe Agjencia Kombëtare e Mjedisit”.
