Skena politike e sotme është aq shumë e trazuar saqë është e pamundur të dëgjohen zërat dhe propozimet e arsyeshme.
Në vend të ideve, mbizotërojnë akuzat.
Në vend të propozimeve konkrete, vendin e ka zënë show-i politik i pushtetit dhe i “Rithemelimit”.
Qeveria është goditur nga SPAK-u, por një gjë e tillë nuk është shndërruar në përfitim për opozitën.
Sepse atë po e mban peng një njeri, Sali Berisha, për hallin e tij personal.
Në kushte të tjera, ai do ishte braktisur, mirëpo grupimi i Gaz Bardhit dhe pak deputetë që e ndjekin për egoizëm të shfrenuar dhe për ëndrra me sy hapur si liderë të mëdhenj, kanë bërë që situata të jetë e turbullt.
Në kushtet kur Edi Rama fshihet pas gishtit tregues ndaj Berishës dhe Metës, Gaz Bardhi fshihet pas Sali Berishës dhe ky i fundit fshihet në selinë e uzurpuar të PD-së prej SPAK-ut, e vetmja shpresë për Shqipërinë dhe shqiptarët ngelet Partia Demokratike e Shqipërisë dhe kryetari i saj Lulzim Basha.
Kur të tjerët fshihen nga diçka, ai takon njerëzit.
Kur të gjithë sulmojnë SPAK-un, ai dhe grupimi mbështetës i Partisë Demokratike inkurajojnë sistemin e drejtësisë.
Kur të parët janë bojkotuar dhe takojnë vetëm njëri-tjetrin, Basha pritet në Bruksel dhe në Londër.
Kur Rama bën llogje dhe “Rithemelimi” hedh karriget, Basha dhe grupi i deputetëve të PD artikulojnë zgjidhje, ngrehin shqetësime dhe japin alternativa.
Rruga nuk është aspak e lehtë. Ajo kërkon sakrifica dhe alturizëm.
Por ky është një mision dhe e ardhmja u takon atyre që e trajtojnë politikën si të tillë.
