Ish-ministri i Shëndetësisë, Ilir Beqaj do të merret në pyetje dhe do t’i komunikohet masa e sigurisë “detyrim paraqitjeje” dhe ndalim i daljes “jashtë vendit”.
Intersant është fakti si ai është emëruar pak kohë më parë nga qeveria në krye të grupit negociator për përshpejtimin e negociatave me Bashkimin Eueopian.
Ilir Beqaj ka dhënë dorëheqjen nga detyra e drejtorit për Agjencisë Shtetërore të Programimit Strategjik dhe Koordinimit të Ndihmës (SASPAC) dhe është emëruar pak kohë më parë nga qeveria në krye të grupit negociator për integrimin e Shqipërisë në Bashkimin Evropian, në vend të Romina Kukos. Por ironia qëndron te fakti se kryenegociatorit pritet t’i komunikohet urdhri i ndalimit jashtë vendit.
Seanca pritet të mbahet në mesditë. Vetë Beqaj ka deklaruar se nuk do ta ankimojë këtë masë, ndonëse nuk është dakord me akuzën e shpërdorimit të detyrës të dyshuar nga prokurorët, lidhur me koncesionin e sterilizimit.
Beqaj do duhet të të paraqitet para policisë gjyqësore të Byrosë Kombëtare të Hetimit një herë në javë, ditë të premte, ora 15:30.
Prokurorët e SPAK, prej tre vitesh, e kishin nën hetim ish-ministrin socialist të Shëndetësisë për veprat penale të “Shpërdorimi i detyrës” në bashkëpunim, “Shkelja e barazisë së pjesëmarrje në tendera apo ankande publike kryer në bashkëpunim, si dhe “Korrupsioni pasiv i funksionarëve të lartë shtetëror ose i të zgjedhurve vendorë”.
Sipas prokurorisë special, këto shkelje të ish-ministrit, Ilir Beqaj lidhen me koncesionin e sterilizimit të pajisjeve mjekësore. Ndërkohë, në pranga për “Sterilizimin” kanë rënë biznesmeni, Ilir Rrapaj, i cili fitoi koncesionin dhe ish-zv/ministri i Shëndetësisë, Klodian Rjepaj.
