Vedat Muriqi pësoi dëmtim gjatë impenjimit me përfaqësuesen e Kosovës, duke i shqetësuar të gjithë në stafin e Mallorcas. Trajneri i ekipit nga Mallorca, Javier Aguirre, në intervistën para ndeshjes së prapambetur ndaj Cadiz është shprehur se me gjasë, sulmuesi do të qëndrojë edhe disa javë jashtë fushe.
“Ai është keq, është i lënduar me tërheqje muskulore. Ai e kishte një lëndim që do ta lë gjatë jashtë fushës së blertë, i kanë mbetur edhe tri ose katër javë. Mjeku i klubit thotë se mund të mungojë edhe rreth katër javë.
Në ndeshjet që do t’i luajmë në shtëpi Vedati nuk do të jetë, kjo është e sigurt. Do të shohim se si do të shkojnë këto tri javë për ta parë nëse ai do të jetë në gjendje për të luajtur në Almeria”, – Tha trajneri.
Muriqi ka luajtur 12 ndeshje këtë sezon, ku ka shënuar 4 gola dhe ka dhuruar 2 asiste. Ky është sezoni i 3-të i tij në Spanjë.
