Në një postim në profilin e saj në rrjetin social facebook, deputetja e PD-së, Eralda Bano, shprehet se kjo ditë duhet sjell në vëmendje për shkak të rëndësisë që ka përkujdesja dhe plotësimi i të gjitha kushteve për mundësi të barabarta dhe barazi për këtë grup njerëzish.
Më poshtë postimi i plotë:
Data 3 Dhjetor është vendosur si Dita Ndërkombëtare e Personave me Aftësi të Kufizuar nga OKB.
Në këtë ditë, dua që të sjell në vëmendje rëndësinë që ka përkujdesja dhe plotësimi i të gjitha kushteve për mundësi të barabarta dhe barazi për këtë grup njerëzish.
Fatkeqësisht kjo qeveri që ne kemi nuk ndihet kështu. Nuk mendon se të rinjtë që studiojnë nëpër shkollat tona duhet të kenë mundësi për tu mbështetur nga një numër më i madh mësuesish. Nuk mendon se mundësitë e barabarta duhet të jenë kryefjala kur vjen puna në terma mbështetës dhe nuk mendon se ky target grup meriton që të jetë i barabartë me nxënësit e tjerë. Kjo u vu re në Amendamentin e propozuar nga unë për të rritur numrin e mësuesve ndihmës për nxënësit me aftësi të kufizuara, i cili u kundërshtua dhe nuk u votua nga deputetët e mazhorancës.
Mahatma Gandhi ka thënë se një shoqëri matet sa madhështore është nga mënyra sesi trajton grupet më vulnerabël që ka!
