“Jam shumë krenar, por duhet të vazhdojmë në këtë rrugë. U thashë lojtarëve se duhet ta nisnim mirë pas pushimeve ndërkombëtare dhe mendoj se patëm përqendrimin e duhur për të fituar një ndeshje të vështirë”. Kështu e analizoi në vija të trasha, trajneri i Çelsit, Antonio Konte, fitoren e 6-të radhazi të skuadrës së tij.
“E dija që do të ishte e vështirë, sepse kjo skuadër është shumë mirë e organizuar dhe janë në një formë të mirë. Por ne e merituam fitoren, sepse shënuam një gol dhe krijuam shumë të tjera për një gol të dytë. Pesë minutat e para nuk ishin fortë të mira për ne.
E nisëm keq, por gjatë kalimit të minutave zotërimi i topit u përmirësua dhe nisëm ta qarkullojmë atë më shpejtë. Gjithashtu, nuk pësuam gol dhe nuk u dhamë shansin atyre për të na ndëshkuar. Kampionati nuk përfundon pas kësaj ndeshjeje, por është hera e parë që ne kryesojmë këtë sezon. Nuk do të jetë e lehtë. Tani do iu them se skuadra ka punë për të bërë”.
