Kryetari i LZHK-së, Dashamir Shehi, ka komentuar zhvillimet e fundit politike në kampin opozitar.
Shehi tha se Berisha duhet të përballet me drejtësinë, duke u paraqitur në gjykatë “si çdo njeri i thjeshtë”.
Sipas Shehit, fati i opozitës nuk është në duart e Berishës, ndërsa opozita tha ai, do të vijojë edhe pa të.
“Berisha e ka bërë ciklin e vet. Na duhet një zgjidhje tjetër, një rrugë tjetër si opozitë. Opozita ka hapësirën e saj, do të vazhojë edhe pa Sali Berishën.
Berisha të shkojë dhe të paraqitet atje si qytetar i thjeshtë. Që unë ta shikoj të ardhmen e opozitës së re te Sali Berisha, nuk ka lidhje”, tha ndër të tjera Shehi në emisionin “5 Pyetje”.
Shehi tha se opozita ka humbur 2 vite e gjysmë duke u marrë me përplasjet brenda saj, nga “non-grata” te akuzat për Lulzim Bashën.
