Sekretari Ligjor i Partisë Demokratike Indrit Sefa, i ftuar në studion e lajmeve në “Ora News” u shpreh se Gjykata e Lartë ka legjitimuar që Partia Demokratike zyrtare është palë në këtë proces të nisur përballë demokratëve të “Rithemelimit” për çështjen e Logos dhe Vulës së partisë.
“Ka legjitimuar pretendimin tonë që ne duhet të ishim në këtë proces. E ka pranuar këtë edhe me vendimmarrjen e saj duke i kërkuar Gjykatës së Apelit që të japë zgjidhjen përfundimtare.
Kjo e shkurton këtë betejë në kohë dhe shkurton të gjitha këto hapat që do ishin në rast se Gjykata e Lartë do e kthente prapë për gjykim, ose do linte në fuqi vendimin e Apelit.
Kjo vendimmarrje e Gjykatës së Lartë është shumë pozitive për t’i dhënë një zgjidhje përfundimtare kësaj çështjeje në një kohë sa më të shkurtër”, u shpreh ndër të tjera Indrit Sefa.
