Për të gjitha shërbimet që Ngjela bën ndaj Ramës, ai paguhet nga Kryeministri me 3 mijë euro në muaj. Pagesa në fakt nuk del nga paratë e Kryeministrisë, por nga klientela e afërt e Ramës. “Ekspres.al” ka mësuar se çdo fillim muaji, Ngjela paraqitet tek biznesmeni Pandi i Ramës, i cili i jep pagesën. Një nga dëshmitarët tregon edhe si e zbuloi marrëdhënien sekrete të Ramës me Ngjelën. “Isha ulur bashkë me biznesmenin Pandi, kur këtë e merr në telefon një numër. Në fillim Pandi rrudhi buzët, pastaj na kërkoi leje që të largohet. Duhet të iki se më pret Ngjela duhet t’i jap pagën e muajit”, “E ke marrë avokat?” ishte pyetja e dëshmitarit, ndërsa përgjigjja e Pandit ishte: “Nuk kam ndër mend të humbas gjyqe që ta marr avokat, por e kam porosi nga Rama që t’i jap çdo muaj 3 mijë euro”.
