Borussia e Dormtundit nuk ruan dot hapin e Leipzigut kryesues. Verdhezinjtë e Thomas Tuchel nuk arritën të shfrytëzonin dot momentin pozitiv, pasi u mposhtën në javën e 12-të të Bundesligës nga Eintrachti i Frankurtit. Në “Commerzabank Arena” ishin të besuarit e Niko Kovaç, që triumfuan me shifrat 2-1. Kjo ishte fitorja e 4-t në 5 ndeshjet e fundit për Frankfurtin që u ngjit në kuotën e 24 pikëve. Golat që vendosën fatet e këtij takimi u realizuan në pjesën e dytë. Fillimisht ishte hungarezi Szabolocs Huzti, ai që i dha epërsinë skuadrës vendase. Në minutën e 77-të pas shumë përpjekjesh, Dortmundi arriti më në fund të barazonte shifrat me të përhershmin Pierre Emerick Aubameyang. Por pa festuar ende golin e barazimit, miqtë u ndëshkuan sërish, këtë herë ishte Haris Seferoviç, ai që i dha avantazhin Frankfurtit. Vetëm disa sekonda më pas, zvicerani mposhti për herë dytë Weidenfeller-in duke i dhënë një trepikësh të artë për zonën europiane skuadrës së tij. Në minutat shtesë fati nuk ishte me Dortmundin, pasi Dembele goditi traversën.
Vazhdon të mos fitojë Borussia Moenchengladbach që nuk shkoi më shumë se një barazim 1-1 ndaj Hoffenhemit në Borussia Park. Sëbashku me Leipzigun kryesues, ekipi i drejtuar nga 29-vjeçari Julian Naglesmann nuk njeh humbje në këtë sezon. Në të 25-ën, Dahoud kaloi në epërsi Gladbahun, por Amiri barazoi rezultatin në fillimin e pjesës së dytë.
Ndërkohë, Uli Hoeness ka rimarrë postin e presidentit të Bayernit të Mynihut. 64-vjeçari u rizgjodh në këtë detyrë me 97% të votave, duke konfirmuar pritshmëritë në asamblenë e përgjithshme, ku thuajse të gjithë anëtarët e saj kanë qenë pro kësaj kandidature. Hoenness kishte mbajtur për plot 30 vite postin e Drejtorit Sportiv para se në 2009 të zgjidhej për herë të parë President i klubit bavarez. Në mars të 2014-ës, pasi u dënua me burg për evazion fiskal, dha dorëhqjen nga detyra që mbante prej 5 vitesh. Gjithsesi, pasi përfundoi periudhën e dënimit u kandidua sërish për postin e presidentit, të cilin e fitoi me shumicë dërrmuese, praktikisht pa patur rivalë. Në fjalën e tij pas zgjedhjes President, Hoenness tha se do t’i përmbushte pritshmëritë e atyre që e kanë votuar.
“Bëra një gabim të madh, për këtë nuk ka asnjë dyshim. Respektoj cilindo në këtë sallë, edhe pse ndonjëri nuk më ka votuar për shkak të sjelljes time të pahijshme. Unë jam demokrat dhe kam bërë gjithçka për ta shlyer dëmin që kam shkaktuar. Kërkova një shans të dytë nga ju dhe iu premtoj se do t’i përmbush pritshmëritë”, u shpreh Hënes.
Më pas, Hoeness kujtoi se skuadra e sapongjitur në Bundesligë, Liepzigu, do të jetë një kundërshtar i fortë për kampionët në fuqi. “Në Gjermani, po zhvillohen shumë klube të tjera, që kërkojnë të na arrijnë. Liepzigu sapo fitoi 1-4 me Frieburgun. Pas Dortmundit, ky klub është një armik i ri, të cilin duhet ta sulmojnë që nga ky moment”, përfundoi ai.
