Lëvizja e Lewis Hamilton te Ferrari nga Mercedes për sezonin 2025 është konfirmuar.
Hamilton, duke kërkuar t’i bëjë një sfidë kampionit aktual botëror Max Verstappen, shpreson se kjo do ta ndihmojë të shpallet 8 herë kampion i F1. Carlos Sainz gjithashtu ka konfirmuar largimin e tij nga Ferrari në vitin 2025.
Pas publikimit të lajmit, nënshkrimi me Ferrarin është konfirmuar edhe nga piloti i Formula One.
“Kam kaluar 11 vite të mrekullueshme me këtë ekip dhe jam shumë krenar për atë që kemi arritur së bashku”, tha Hamilton.
Ndërsa shtoi: “Mercedes ka qenë pjesë e jetës sime që kur isha 13 vjeç. Është një vend ku jam rritur, kështu që marrja e vendimit për t’u larguar ishte një nga më të vështira që më është dashur të marr ndonjëherë. Por është koha e duhur për mua për të ndërmarrë këtë hap dhe jam i emocionuar që do të marr një sfidë të re.
Unë do të jem përgjithmonë mirënjohës për mbështetjen e jashtëzakonshme të familjes sime Mercedes, veçanërisht Toto për miqësinë dhe udhëheqjen e tij. Jam 100% i përkushtuar për të ofruar performancën më të mirë që mundem këtë sezon.”
CEO i Mercedes dhe drejtori i ekipit Toto Wolff i uroi suksese Hamilton, teksa sot se Lewis gjithmonë do të jetë pjesë e ekipit.
“Marrëdhënia jonë me Lewis ka qenë më e suksesshmja që ka parë sporti, dhe kjo është diçka që ne mund ta shohim me krenari,” tha Wolff. “Lewis do të jetë gjithmonë një pjesë e rëndësishme e historisë së Mercedes. Megjithatë, ne e dinim se partneriteti ynë do të merrte fund në një moment dhe ajo ditë ka ardhur. Ne e pranojmë vendimin e Lewis për të kërkuar një sfidë të re. Por tani për tani, ne kemi ende një sezon përpara, dhe ne jemi të fokusuar në garat për të ofruar një 2024 të fortë.”
Në këtë ndryshim si Hamilton ashtu edhe Ferrari do të shpresojnë të ringjallë fatin e tyre.
Hamilton nuk ka fituar asnjë garë që në Çmimin e Madh të Arabisë Saudite në 2021.
Ekipi i tij Mercedes ka qenë kryesisht larg ritmit të vendosur nga Red Bull i kampionit aktual botëror Max Verstappen.
Ka qenë një histori e ngjashme për Ferrarin, i cili fitoi vetëm një herë në 2023 kur Carlos Sainz siguroi Çmimin e Madh të Singaporit.
