Në një reagim për shtyp, nënkryetarja e PD, Orjola Pampuri, shprehet se “është e turpshme, skandaloze, të keqpërdorësh mikun dhe aleatin strategjik të Shqipërisë për aferën korruptive të Edi Ramës”.
Më tej deputetja e PD shkruan: “Përrallat me para ruse nxorën kokën e Edi Ramës që sot në të gjithë botën tregohet me gisht si njeriu që korruptoi zyrtarin e lartë të FBI për të sulmuar opozitën dhe kryetarin e PD”.
Më poshtë reagimi i plotë:
Elisa në botën e doganave paska përdorur sot Sekretarin Blinken për të justifikuar përfshirjen e Ramës në aferën McGonigal kundër Lulzim Bashës.
E turpshme, skandaloze të keqpërdorësh mikun dhe aleatin strategjik të Shqipërisë për aferën korruptive të Edi Ramës.
Elisa, mos e keqpërdorni Sekretarin e Shtetin për hallet tuaja siç e përdorët Shtëpinë e Bardhë kur i çuat Sajmir Tahirin, kokën e trafikut të drogës në Shqipëri. Përrallat me para ruse nxorën kokën e Edi Ramës që sot në të gjithë botën tregohet me gisht si njeriu që korruptoi zyrtarin e lartë të FBI për të sulmuar opozitën dhe kryetarin e PD. Paratë ruse përfunduan në xhepat e McGonigal, Elisë, së bashku me paratë e korrupsionit të Edi Ramës.
E turpshme dhe e papranueshme të fshihesh pas sekretarit të shtetit!
