Një ngjarje rëndë ka ndodhur, pas një sherri të ndodhur në një lokal në Dibër. Bëhet e ditur se një plagosje me thikë ka ndodhur mbrëmjen e së hënës në Dibër, ku policia thotë se ka vënë në pranga të dyshuarin, ndërsa i plagosuri ndodhet në spital në gjendje të rëndë, por jashtë rrezikut për jetën. Burime nga policia thanë se 43-vjeçari me inicialet R. T., banues në Staravec-Dibër është vënë në pranga për akuzën e plagosjes së rëndë me dashje.
Arrestimi i tij është bërë, sepse mbrëmë në vendin e quajtur Sheshi “Bajram Curri”, në një lokal 43-vjeçari me anë të një thike, për motive të dobëta ka plagosur rëndë në gjendje të tronditjes së fortë psikike 27-vjeçarin me inicialet S. F., banues po në Staravec-Dibër, i cili ndodhet për ndihmë mjekësore jashtë rrezikut për jetën në Spitalin Rajonal të qytetit Peshkopi.
Policia tha se dosja i ka kaluar Prokurorisë së Dibrës, në ngarkim të shtetasit R.T si i dyshuar se ka kryer veprën penale të “Plagosjes së rëndë në gjendje të tronditjes së fortë psikike”.
