Gazetarja Alma Lahe dhe njëherazi pjesë e organizatës “Together for Life”, ku ka drejtuar grupin e ekspertëve për realizimin e studimit të fundit ‘Ngacmimet Seksuale në Punë’ ka folur në studion e “Open” për rezultatet e këtij të fundit.
Lahe u shpreh se fenomeni i ngacmimit seksual në ambientet e punës ekziston dhe është evidentuar si më i shpeshtë në Tiranë, por edhe në Korçë, Lezhë dhe Durrës.
Sipas saj nga anketimi ka dalë se fenomeni është i përhapur në zonat urbane dhe ndërmarrjet e mëdha me më shumë se 100 punonjës.
“Fenomeni ekziston. Kemi pasur tre fokus grupe ku fenomeni është evidentuar edhe më i lartë, përveç Tiranës që ka fenomenin, por edhe ndjeshmërinë më të lartë. Ka qenë Korça, Lezha dhe Durrësi. Nga anketimi ka dalë se fenomeni është i hapur në zonat dhe ndërmarrjet e mëdha me më shumë se 100 punonjës. Diferenca mes privatit dhe sektorit publik ka diferencë shumë të ulët për ngacmimet seksuale”, shpjegoi ajo mes të tjerash.
