Ashtu si ne hamë për të qenë të shëndetshëm dhe për t’u kujdesur për mëlçinë ose zemrën, kockat e trupit tuaj kërkojnë të tyren, prandaj të gjithë duhet të përpiqen të kenë produkte me kalcium dhe vitaminë D në vaktet e tyre.
Duhet të dini se nëse nuk merrni mjaftueshëm kalcium në dietën tuaj, “trupi do të marrë kalciumin që i nevojitet nga kockat”.
Në terma afatgjatë, ata shpjegojnë në Institutin Kombëtar të Artritit dhe Sëmundjeve Muskuloskeletore dhe të Lëkurës, ky proces dobëson kockat dhe rrit rrezikun për të pasur osteoporozë.
Kjo është një sëmundje që bën që kockat të bëhen të dobëta dhe të brishta. Njerëzit me osteoporozë kanë një rrezik më të lartë të thyerjes së kockave (frakturave).
Osteoporoza është një sëmundje e quajtur e heshtur dhe është “më e zakonshme tek gratë”. Kjo sëmundje e heshtur hollon dhe dobëson kockat, vëren MedLine Plus , ndërsa përshkruan se kockat “bëhen të brishta dhe thyhen lehtësisht, veçanërisht ato të kofshës, shtyllës kurrizore dhe kyçit të dorës”.
Për të mbajtur kockat tuaja të forta, konsumoni një dietë të pasur me kalcium dhe vitaminë D, rithekson Niams.
Nga instituti amerikan, ata shpjegojnë se rëndësia e kësaj vitamine qëndron në faktin se ajo ndihmon në absorbimin e kalciumit të marrë nga ushqimi.
Trupi mund të thithë kalciumin, përbërësin kryesor të kockave, vetëm kur vitamina D është e pranishme. Kjo vitaminë super e nevojshme, po ashtu promovon funksionimin e shëndetshëm të muskujve dhe të sistemit imunitar.
Çfarë duhet të hani që të siguroni kalcium
-Burimet më të mira ushqimore të kalciumit janë qumështi dhe produktet e tjera të qumështit, si djathi dhe kosi.
-Perime me gjethe jeshile
-Tofu, i cili është një ushqim me origjinë bimore që përftohet nga mpiksja e qumështit të sojës.
-Peshku, përfshirë sardelet, salmonin dhe tonin.
-Kalciumi në brokoli përthithet dy herë më shumë se ai në qumësht. Përmban gjithashtu antioksidantë dhe vitaminë K për kockat.
