Legjenda e “Të Kuqve”, Ian Rush, ka këshilluar klubin anglez që mos ta shesin sulmuesin Daniel Sturridge, për të cilin spekulohet se mund të largohet nga “Anfield”. Sipas Rush, largimi i ish- sulmuesit të Chelseat, do të ishte një gabim shumë i madh nga ana e Liverpool. “Mendoj se do të jetë shumë gabim nëse Liverpool e largon atë, Sturridge është një finalizues i mirë”, tha fillimisht Rush, i cili ka shënuar 346 gola në karrierë për Liverpoolin.
“Në një ekip janë më shumë se 20 lojtarë, e jo vetëm 11 të formacionit të parë. Ashtu si Roberto Firmino, Philippe Coutinho, Origi dhe Sadio Mane, po ashtu nevojitet edhe Sturridge”, shtoi ai.
“Jam i sigurt se ai do të ketë shanset e tij, pasi Sturridge së pari është lojtar ekipor dhe është shumë i rëndësishëm për këtë ekip”, përfundoi legjenda e “Redsave”.
