Kryetari i PD, Lulzim Basha, përmes një postimi në rrjetet sociale shprehet se vota e emigrantëve është një detyrim dhe se Edi Rama nuk e do një gjë të tillë. Sipas Bashës, PD është e vetmja forcë politike që ka një propozim konkret për Votën e Diasporës.
Më poshtë postimi i plotë i kryetarit të Partisë Demokratike:
Edi Rama nuk e do Votën e Diasporës!
Partia Demokratike është e vetmja forcë politike që ka një propozim konkret për Votën e Diasporës.
Angazhimi ynë që nga viti 2016 është që emigrantët të votojnë aty ku jetojnë. Vota e diasporës nuk është vetëm një e drejtë kushtetuese, por është përmbushje e një detyrimi ndaj Shqipërisë dhe ndaj shqiptarëve.
Të vendosur që vota e bashkatdhetarëve tanë, që jetojnë në emigracion, të ketë peshë të plotë në vendimmarrje të rëndësishme politike!
