Kryetari i Partisë Republikane zoti Fatmir Mediu, është takuar në Uashington, me personalitete të larta të Kongresit dhe Senatit amerikan. Në takimet në Kongres, u diskutua situata e rëndë që po kalon Shqipëria, jo vetëm në planin ekonomik, por dhe përdorimin e pushtetit për interesa klienteliste korruptive.
Të gjithë bashkëbiseduesit theksuan se: Zgjedhjet e lira dhe të ndershme janë kusht dhe detyrim për një demokraci funksionale.
Proçeset e manipuluara nga qeveria, vërejtjet e OSBE/ODHIR janë dhe qëndrim i SHBA. Ata shprehën shqetësimin për forcën e krimit në Shqipëri, trafikun e drogës dhe sidomos involvimin e qeverisë në kultivimin e marijuanes për qëllime politike.
Takimet në Dhomën e Përfaqësuesve u zhvilluan me Kongresmenin Danna Rohrabacher, Kryetari për Europën dhe Azinë, një nga kandidaturat e konsideruara për Sekretar Shteti nga Presidenti Trump, Kongresmenët Robert Aderholt, John Rottcklife, David Jolly, Senatorët Jim Inhofe, Tom Cotton dhe Ben Sasse.
Gjithashtu me Presidentin e Heritage Foundation, Jim DeMint për vazhdimin e projektit për ndërtimin dhe bashkëpunimin me Balkan Heritage and Policy Foundation. Jim DeMint i shprehu kënaqësinë zotit Mediu, duke e bërë pjesë të Presidential Club të Heritage Foundation. Me Presidentin e CNP Bob MCween organizata më e fuqishme konservatore.
Një takim i veçantë ishte me z.Lee Edwards, Presidenti i Fondacionit për krimet e komunizmit, i cili shprehu interes për të kontaktuar me të përndjekurit politik të Shqipërisë.
