Një imazh i gjeneruar nga Inteligjenca Artificiale (AI), që paraqet kampet e palestinezëve dhe një slogan që shkruan: “Të gjithë sytë nga Rafah” ka bërë xhiron e rrjetit në të gjithë botën.
Postimi është shpërndarë më shumë se 47 milionë herë nga përdorues të ndryshëm në Instagram duke përfshirë dhe persona të famshëm si Dua Lipa, Lewis Hamilton dhe motrat Gigi dhe Bella Hadid.
Imazhi dhe slogani u bënë virale pas një sulmi ajror izraelit dhe zjarri në një kamp për palestinezët e zhvendosur tashmë në qytetin jugor të Gazës, Rafah, në fillim të kësaj jave.
Ministria e shëndetësisë e drejtuar nga Hamasi tha se të paktën 45 persona u vranë dhe qindra të tjerë u plagosën në incident. Izraeli tha se kishte shënjestruar dy komandantë të Hamasit dhe se zjarri vdekjeprurës ndoshta ishte shkaktuar nga një shpërthim dytësor.
Pas incidentit, imazhi u bë viral pasi një i ri në Malajzi e postoi atë në llogarinë e tij të mediave sociale, zbuloi BBC Arabic.
Incidenti vdekjeprurës në fillim të kësaj jave në Rafah bëri që njerëzit të postonin video të Richard Peeperkorn, një përfaqësues i Organizatës Botërore të Shëndetësisë, në territoret e pushtuara palestineze në muajin shkurt.
Ai u tha gazetarëve asokohe se “Të gjithë sytë janë te Rafah”, duke paralajmëruar sulmet ndaj qytetit
Zyrtarët dhe aktivistët kanë përsëritur frazën e Peeperkorn që atëherë për të shprehur shqetësimin dhe kundërshtimin e tyre ndaj operacionit ushtarak të Izraelit në Rafah, i cili filloi tre javë më parë.
Studentët në Partis pushtuan rrugën përpara ndërtesës së Universitetit Sciences Po, me një tabelë me po të njëjtin mbishkrim: “Të gjithë sytë nga Rafah”
Në muajt që pasuan përdorimin e parë të frazës, sloganet’ Të gjithë sytë në Rafah” u shfaqën në tubime në mbarë botën dhe në mediat sociale.
Të tjerë të famshëm që kanë shpërndarë imazhin dhe sloganin përfshijnë aktorin amerikan Mark Ruffalo, aktoren indiane Priyanka Chopra dhe aktoren siriane Kinda Alloush.
Sipas një njoftimi nga Ministria e Shëndetëisë atje, mësohet se të paktën 36,170 njerëz janë vrarë në të gjithë Gazën që nga fillimi i konfliktit.
