Në një intervistë për Ora News, deputetja e PD-së, Merita Bakiu u shpreh se është hera e parë një që forcë politike paraqet një vit para programin e saj.
Ajo shtoi se është një program që është i gjithi për Shqipërinë, pasi vendi kërkon një qeverisje ndryshe nga ajo që kemi aktualisht.
Bakiu: “Është hera e parë një që forcë politike paraqet një vit para programin e saj. Kjo është bërë për të treguar se kemi vullnetin dhe seriozitetin për një program të hartuar nga ekspertë dhe ndërkombëtarë, ky është një program për qytetarët dhe për zgjidhjen e halleve të shqiptarëve.
Është një program që është i gjithi për Shqipërinë, pasi vendi kërkon një qeverisje ndryshe. Ne kemi të qartë se duke i menaxhuar mirë të gjitha investimet, duke thithur edhe fondet nga BE-ja që janë të ngrira sot nga korrupsioni, ne mendojmë se do t’i realizojmë të gjithë. Nuk i themi fjalët vetëm për fushatë.”
