Lajmi bëhet i ditur nga Jonuz Myshketa, kreu i PD – Demokratët Euroatlantikë në Durrës, njëkohësisht anëtar i Këshillit Bashkiak të qytetit bregdetar.
Në një postim në facebook, Myshketa shprehet se “ne të bindur në të drejtën tonë, në shërbim të qytetarëve durrsak, kemi ushtruar tagrin ligjor duke depozituar sot pranë Gjykatës Administrative të Apelit në Tiranë, Kërkesë Padinë për anullimin e aktit normativ nënligjor në lidhje me sa më sipër cituar”.
Kujtojmë se çështjen e vendimit të KB Durrës për parkimet në qytet, këshilltarët e PD – Demokratët Euroatlantikë i kundërshtuan në mbledhjen e këshillit, i dërguan një kërkesë Prefektit të Qarkut për të mos i miratuar dhe pas mosmarrjes parasysh të kërkesës së tyre, vjen kjo kërkesë-padi në Gjykatën Administrative.
Më poshtë postimi i plotë:
Të nderuar miq e qytetar durrsak!
Siç paraqitet dhe në foton më poshtë, siç patëm kundërshtuar dhe gjatë mbledhjes së këshillit bashkiak duke parashtruar argumentet tona se përse projekti I parkingjeve me pagesë është I nxituar.
Bërë pa transparencën e duhur për qytetarët dhe në vazhdën e kërkesës sonë drejtuar Prefektit të Qarkut Durrës për mospranimin e aktit normativ, kërkesë e cila I refezua.
Ne të bindur në të drjetën tonë, në shërbim të qytetarëve durrsak, kemi ushtruar tagrin ligjor duke depozituar sot pranë Gjykatës Administrative të Apelit në Tiranë, Kërkesë Padinë për anullimin e aktit normativ nënligjor në lidhje me sa më sipër cituar.
Retorika jonë politike shkon në koherencë të plotë me aksionet tona pasi besojmë fort që jemi në kahun e duhur dhe në mbrotje të interesave të qytetarëve durrsak.
Kemi parashtruar të gjitha argumentat ligjor përse ky akt është kundër interesave të qytetit pasi është I nxituar, pa gjetjen e alternativave shteruese për qytetarët përpara se të shkohet në një nisëm të tillë.
Duke shpresuar në një gjykim të drejtë nga ana e Gjykatës Ju bëj me dije se jemi, e do mbetemi përherë në shërbim të Durrësit dhe banorëve të tij përballë çdo abuzimi me të drejtat e Tij dhe të tyre.
