Personi më i vjetër në botë, spanjollja Maria Branias Morera, e cila lindi në Shtetet e Bashkuara dhe i mbijetoi një epidemie të murtajës dhe dy luftërave botërore, ka vdekur në moshën 117-vjeçare, ka bërë të ditur familja e saj.
“Maria Branias na la. Ajo vdiq ashtu siç deshi: në gjumë, e qetë dhe pa dhimbje”, shkruan familja e saj në llogarinë e tyre X. “Ajo do të mbahet mend gjithmonë për këshillat dhe mirësinë e saj”, thanë ata, sipas Daily Mail.
Branias jetoi dy dekadat e saj të fundit në shtëpinë e të moshuarve Santa Maria del Tura në qytetin verilindor spanjoll të Olot dhe festoi ditëlindjen e saj të 117-të atje në mars.
Rekordet Botërore të Guinness e kishin njohur zyrtarisht Branias si personin më të vjetër në botë në janar 2023, pas vdekjes së murgeshës franceze Lucille Radon në moshën 118-vjeçare. Pas vdekjes së Branias , personi më i vjetër i gjallë në botë është japonezi Tomiko Itoka, i cili ka lindur më 23 maj 1908 dhe është 116 vjeç.
