Kryetarja e Grupit të Këshilltarëve të PD- Demokratët Euroatlantikë në Këshillin Bashkiak Tiranë, ka depozituar sot në Bashkinë Tiranë kërkesën për miratimin dhe aplikimin e biletës unike elektorinike “Tirana për transportin urban”, i cili ka qenë një ndër premtimet e zgjedhjeve lokale të kësaj force politike.
Gjithashtu, Papa ka depozituar edhe kërkesën e Grupit të Këshilltarëve euroatlantikë për informacion mbi kontratën e nënshkruar nga Bashkia Tiranë me shoqërinë britanike “Delivery Associates” mbi auditimin e veprimeve dhe kontrolleve të Bashkisë Tiranë.
Më poshtë postimi i plotë:
Sot dorëzova ne Bashkine Tirane, propozimin, sipas premtimeve që kishim me Roland Bejko në zgjedhjet lokale të 14 Majit 2023, për:
1. Miratimin dhe aplikimin e biletës unike elektronike “Tiran@ për transportin urban.
2. Miratimin dhe ofrimin e biletave elektronike Tiran@, 1 orëshe, 24 orëshe, si dhe të aboneve 1 mujore, 3 mujore, 6 mujore dhe 1 vjeçare, ofrimin e shërbimit falas ose të reduktuar të transportit urban për shtresat e pensionistevë, femijëve deri në 10 vjeç, të rinjve deri 25 vjeç, pensionistëve dhe njerëzve me aftësi të kufizuar dhe çdo kategorie sociale vulnerabël, sipas legjislacionit në fuqi në Republikën e Shqipërisë;
3. Formatimin e stacioneve të kronometruara urbane, me tabela informuese digjitale mbi kohën e mbërritjes dhe nisjes së autobusëve.
Gjithashtu depozitova në emër të grupit Kërkesën për informacion mbi Kontratën e nënshkruar nga Bashkia Tiranë me shoqërinë britanike, “Delivery Associates” mbi auditin e veprimeve dhe kontrollove të Bashkisë Tiranë.
