Sindikatat e Pavarura të Shqipërisë në Shkodër kanë ngritur alarmin sa i përket problemeve të punëtorëve në qytetin verior.
Duke akuzuar qeverinë se nuk kanë dhënë asnjë ndihmë, kreu i BSPSH Shkodër, Albert Tuka u shpreh se fasoneritë janë drejt falimentit dhe qindra banorë rrezikojnë të mbeten pa punë.
Rritja e pagave dhe pensioneve, për Tukën, është minimaliste në krahasim me nivelin e jetesës.
Shqetësim mbeten edhe pagat e ulëta të mjekëve, sipas krerëve të sindikatave. Për ta, edhe rritja e pagave të mjekëve është një fasadë që përpiqet të mbulojë problemet e shumta në sektorin e shëndetësisë.
Sipas drejtuesve të BSPSH, jo vetëm Shkodra por i gjithë veriu po lihet nën harresë.
