Në fillimsezonin e emisionit Top Story të moderatores Grida Duma, analisti Arjan Curri tha që dy do të jenë çështjet e paktit Rama-Berisha. Së pari t’i tregojë SPAK-ut se janë në dorën e Komisionit Xhafa si “Komisioni i së vërtetës”, dhe së dyti të shkrijnë KLSH-në si një organ i pavarur që po u nxjerrë probleme palëve me denoncimet e aferave korruptive.
Arjan Curri e tha troç se bashkëpunimi i mazhorancës me opozitën në të gjithë jetën politike të tyre nuk kanë përfaqësuar interesat e publikut, apo elektoratit.
Demokracia është bjerur falë autokracikësë së kryetarëve të partive në vitin 2008. Pabesia e politikës shqiptare si akt ndaj partnerëve perëndimorë është një tipar kryesor i kryetarëve të mazhorancave në politikën shqiptare.
Rama sapo ishte ndarë nga takimi me përfaqësuesen e Amerikës në Tiranë Nancy VanHorne dhe pas shpine kishte “thikën” kundër SPAK-ut dhe KLSH-së. Shkurt kur përfaqësuesja amerikane kërkonte forcimin e institucioneve të pavarura dhe mbajtjen larg duarve të politikës ndaj tyre.
Të flasësh si properëndimor nëpër forume ndërkombëtare dhe si një udhëheqës rajonal është truk i vjetër i kryeministrit Rama.
Po të jesh me këmbë në tokë, shikojeni korrupsionin galopant në Shqipëri si një aleancë antiperëndimore dhe lexojini mirë buxhetet për institucionet e Sigurisë Kombëtare.
Krimi i frikshëm i mafias shqiptare kudo në botë po tregon gjithnjë e më shumë se sa e lidhur është me politikën. Ndaj në vend që të krijohet një opinon i shëndoshë për luftën kundër korrupsionit e krimit të organizuar, bëhet e kundërta.
Çdo lëvizje me komisione që bien erë kundra-reformë. Komisionet antiperëndimore i shërbejnë dobësimit dhe demoralizimit të institucioneve të pavarura.
