E ftuar në A2 CNN me gazetaren Lonela Prognin ishte Zëdhënsja e PD-Demokratët Euroatlantikë, Mirela Karabina.
Sipas saj, panorama në të cilën ndodhet sot opozita është e qartë, ku nga një anë ndodhet Lulzim Basha, i cili është duke zhvilluar takime në Rajon dhe të gjithë Evropën, duke u përgatitur për zgjedhjet e radhës, dhe nga ana tjetër moçali i politikës së vjetër që ka hallet e veta në përballjen me drejtësinë.
“Panoramë është e qartë qartë, kemi dy realtitete të ndryshme politike: Nga një anë është Lulzim Basha në organizime e takime brenda dhe jashtë vendit me strukturat e Demokratëve Euroatlantikë për përzgjedhjen e kanditatëve më të mirë përfaqësues në parlamentin e ardhshëm, gjithashtu dhe në takime Rajonale, në Bundestagun gjerman e në Parlamentin Britanik duke trajtuar çështjen e korrupsionit dhe krimit në pushtet, çështjen e Kosovës dhe anëtarësimin e saj KiE e në NATO, njohjen e saj dhe angazhimin e Tij personal dhe të Demokratëve Euroatlantikë për të nxjerrë vendin nga kriza.
E nga ana tjetër, kemi një moçal politik mbytës, Rilindje+Rithemelim + LSI (PL), që të tmerruar nga drejtësia SPAK e GJKKO po bëjnë marrëveshje me “djallin” për të ruajtur këtë establishment në kurriz të shqiptarëve.” – u shpreh Karabina.
“Qytetarët shqiptarë çdo ditë po shohin se si janë gënjyer, vjedhur e mashtruar nga këto palo politikanë, të cilët sot, për herë të parë në këto dekada, po shkojnë para
drejtësisë. Falë investimit dhe mbështjes së SHBA-ve e BE-së, ndëshkueshmëria dhe llogaridhënia e politikëbërësve dhe zyrtarëve të lartë për zullumet e kryera, është realitet.” – vijoi ajo më tej.
