Katërmbëdhjetë persona kanë mbetur të vdekur nga një goditje rrufeje në një kamp refugjatësh në Ugandën veriore, ka bërë të ditur policia të dielën.
Ngjarja ndodhi të shtunën në lagjen e largët të Lamwo. Zëdhënësi i policisë Kituuma Rusoke ka thënë se 34 persona të tjerë janë lënduar. Viktimat ende nuk janë identifikuar, raporton AP.
Banorët e kampit të vendbanimit Palabek, i cili strehon kryesisht refugjatë nga Sudani i Jugut, po ndiqnin një shërbim lutjeje në strukturën e improvizuar metalike kur ra rrufeja.
Rrufeja vdekjeprurëse raportohet zakonisht në këtë vend të Afrikës Lindore gjatë stinëve të lagështa.
