Seria A është më e bukur se kurrë këtë sezon. Gjashtë skuadra që kanë diferencë të vogël pikësh dhe gjithçka është e hapur për titullin kampion. Është shumë herët për të folur, por nga tani deri në fundin e vitit kalendarik do të ketë disa impenjime që mund të tregojnë se cila është favorite.
Nëse i hedhim një sy kalendarit, Napoli dhe Interi duket se janë më të favorizuara dhe do të tregojnë që janë liderët e këtij kampionati. Por Atalanta së bashku me Fiorentinën që kanë një kalendar mesatar nuk kanë asnjë dëshirë që të dorëzohen tani, në momentin më të bukur.
Impenjimet më të vështira i ka skuadra e Lacios, por edhe Juventusi do të kërkojë të qëndrojë aty nëse heq dorë nga barazimet. Milani duhet që të rikuperojë një ndeshje, por për momentin është e përqendruar edhe në Champions.
